मटा ऑनलाइन वृत्त । गाझियाबाद
डोळ्यांची पापणी लवते न लवते तोच हातोहात बाइक पळवणाऱ्या एका अव्वल चोराला उत्तर प्रदेश पोलिसांनी अटक केली आहे. विशेष म्हणजे अटक केली त्याच्या काहीच दिवसांआधी हा चोर जामीनावर तुरुंगाबाहेर पडला होता आणि आपल्या 'धंद्याला' पुन्हा जोरात सुरुवात केली होती. जामिनावर असताना अवघ्या २७ दिवसात या पठ्ठ्यानं २५ बाइक्स चोरल्या! या चोराला जेरबंद केल्याने दिल्लीच्या आनंद विहार भागातल्या लोकांनी सुटकेचा नि:श्वास टाकला असेल. या भागातच या चोराने बहुतांश दुचाकी चोरल्या आहेत.
गाडी चोरून पार्किंगमध्ये ठेवायचा!
पोलिसांनी दिलेल्या माहितीनुसार, हा चोर गेल्या दहा वर्षांपासून गाड्या चोरतोय. कोणत्याही बाइकचं लॉक तो एका झटक्यात तोडू शकतो. जर बाइकचं इग्निशन उघडलं नाही तर तो त्याची तार काढून बाइक सुरू करायचा आणि पळवायचा. बाइकचे मालक पोलिसात तक्रार करत, तरीही हा पठ्ठ्या पोलिसांच्या हाती येत नसे. कारण बाइक चोरून तो किमान ५-६ तास ती कोणत्यातरी पार्किंगमध्ये उभी करून ठेवायचा. पोलिसांची नाक्यानाक्यावरची तपासणी संपली की हा गाडी बाहेर काढायचा, तिची नंबर प्लेट बदलायचा आणि फरार व्हायचा. तिथून मेरठ आणि मुझफ्फरनगरमध्ये भंगारवाल्यांना तो या चोरीच्या बाइक विकायचा. चांगल्या अवस्थेतल्या बाइकचे अगदी १५ ते २० हजार रुपयेदेखील सुटायचे!
गाझियाबादच्या सिहानी गेट पोलिसांनी सोमवारी रात्री उशिरा गस्तीच्या वेळी पटेल नगर भागात संशयास्पद रित्या फिरणाऱ्या या चोराला अडवले. तो पळून जाऊ लागला तेव्हा त्याला पोलिसांनी पकडले आणि त्याचे बिंग फुटले.
डोळ्यांची पापणी लवते न लवते तोच हातोहात बाइक पळवणाऱ्या एका अव्वल चोराला उत्तर प्रदेश पोलिसांनी अटक केली आहे. विशेष म्हणजे अटक केली त्याच्या काहीच दिवसांआधी हा चोर जामीनावर तुरुंगाबाहेर पडला होता आणि आपल्या 'धंद्याला' पुन्हा जोरात सुरुवात केली होती. जामिनावर असताना अवघ्या २७ दिवसात या पठ्ठ्यानं २५ बाइक्स चोरल्या! या चोराला जेरबंद केल्याने दिल्लीच्या आनंद विहार भागातल्या लोकांनी सुटकेचा नि:श्वास टाकला असेल. या भागातच या चोराने बहुतांश दुचाकी चोरल्या आहेत.
गाडी चोरून पार्किंगमध्ये ठेवायचा!
पोलिसांनी दिलेल्या माहितीनुसार, हा चोर गेल्या दहा वर्षांपासून गाड्या चोरतोय. कोणत्याही बाइकचं लॉक तो एका झटक्यात तोडू शकतो. जर बाइकचं इग्निशन उघडलं नाही तर तो त्याची तार काढून बाइक सुरू करायचा आणि पळवायचा. बाइकचे मालक पोलिसात तक्रार करत, तरीही हा पठ्ठ्या पोलिसांच्या हाती येत नसे. कारण बाइक चोरून तो किमान ५-६ तास ती कोणत्यातरी पार्किंगमध्ये उभी करून ठेवायचा. पोलिसांची नाक्यानाक्यावरची तपासणी संपली की हा गाडी बाहेर काढायचा, तिची नंबर प्लेट बदलायचा आणि फरार व्हायचा. तिथून मेरठ आणि मुझफ्फरनगरमध्ये भंगारवाल्यांना तो या चोरीच्या बाइक विकायचा. चांगल्या अवस्थेतल्या बाइकचे अगदी १५ ते २० हजार रुपयेदेखील सुटायचे!
गाझियाबादच्या सिहानी गेट पोलिसांनी सोमवारी रात्री उशिरा गस्तीच्या वेळी पटेल नगर भागात संशयास्पद रित्या फिरणाऱ्या या चोराला अडवले. तो पळून जाऊ लागला तेव्हा त्याला पोलिसांनी पकडले आणि त्याचे बिंग फुटले.