पश्चिम बंगाल निवडणुकीपूर्वीच असदुद्दीन ओवैसी यांना मोठा धक्का

कोलकाता : पश्चिम बंगालमध्ये आज (गुरुवारी) एका नव्या राजकीय पक्षाचा उदय होतोय. ३५ वर्षीय मुस्लीम धर्मगुरु अब्बास सिद्दीकी यांनी आपल्या नव्या राजकीय पक्षाची घोषणा केलीय. या नव्या पक्षामुळे पश्चिम बंगालमध्ये मुस्लीम वोटबँकेत फूट पडू शकते.

संशयकल्लोळ! कृषी कायद्यांशी निगडीत दस्ताऐवज सार्वजनिक करण्यास केंद्राचा नकार
उल्लेखनीय म्हणजे, आत्तापर्यंत मुस्लीम धर्मगुरु म्हणून ओळखले जाणारे पीर अब्बास सिद्दीकी या निवडणुकीच्या निमित्ताने राजकीय नेते म्हणून समोर येत आहेत.

पश्चिम बंगालच्या जवळपास ५० मतदारसंघातून ते आपले उमेदवार निवडणुकीच्या रिंगणात उतरवू शकतात, अशी शक्यता व्यक्त केली जातेय.

राहुल गांधींनी नकार दिला तर गेहलोत होणार काँग्रेस अध्यक्ष?
हुगळी जिल्ह्याचे फुरफुरा शरीफचे धर्मगुरु सिद्दीकी यांची दलित, मटुआ आणि मुस्लीम समुदायात चांगली पकड आहे. इथे ते 'भाईजान' नावानं ओळखले जातात.

यापूर्वी ३ जानेवारी रोजी ऑल इंडिया मजलिस ए इत्तेहादुल मुस्लीमीनचे प्रमुख असदुद्दीन ओवैसी यांनी अब्बास सिद्दीकी यांची भेट घेतली होती. ओवैसी यांच्याकडून अब्बास सिद्दीकी यांच्यासमोर पश्चिम बंगालची निवडणूक लढवण्याचा प्रस्तावही ठेवण्यात आला होता.

निश्चित! पंतप्रधान नरेंद्र मोदी केव्हा घेणार करोना लस? जाणून घ्या...
अब्बास सिद्दीकी यांच्यामुळे तृणमूल काँग्रेसच्या मुस्लीम वोटबँकेला धक्का बसू शकतो. बंगालमध्ये गेल्या १० वर्षांपासून मुस्लीम वोटबँकेचा तृणमूल काँग्रेसला फायदा झाला होता.

अब्बास सिद्दीकी यांची भाषणं सोशल मीडियावर चांगलीच चर्चेत आहेत. तर काहींच्या म्हणण्यानुसार, सिद्दीकी यांचा फारसा प्रभाव या निवडणुकीत दिसणार नाही.

दुसरीकडे, बिहार विधानसभा निवडणुकीनंतर असदुद्दीन ओवैसी यांनी आपलं लक्ष पश्चिम बंगाल विधानसभा निवडणुकीकडे केंद्रीत केलं आहे.