mamata banerjee : ममता बॅनर्जींना निवडणूक आयोगाने बजावली नोटीस

नवी दिल्लीः पश्चिम बंगाल विधानसभा निवडणुकीत प्रचारसभेदरम्या मुस्लिम मतदारांना केलेल्या आवाहनावरून निवडणूक आयोगाने तृणमूल काँग्रेसच्या प्रमुख आणि मुख्यमंत्री ममता बॅनर्जी ( mamata banerjee ) यांना नोटीस बजावली आहे. ३ एप्रिलाला एका प्रचारसभेत केलेल्या वादग्रस्त वक्तव्याप्रकरणी निवडणूक आयोगाने ममता बॅनर्जींकडून स्पष्टीकरण मागितले आहे. वेगवगेळ्या राजकीय पक्षांमध्ये आपल्या मतांचं विभाजन होऊ देऊ नका, असं आवाहन ममतांनी मुस्लिमांना केलं होतं.

वादग्रस्त वक्तव्याप्रकरणी निवडणूक आयोगाने ममतांना नोटीस बजावली आहे. ममतांना उत्तर देण्यासाठी ४८ तासांच्या आत म्हणजे दोन दिवसांचा अवधी दिला आहे.

EXCLUSIVE : पंतप्रधान मोदींचं 'त्या' मुस्लीम तरुणाशी काय बोलणं झालं? जाणून घ्या

मुख्यमंत्री ममता बॅनर्जी यांनी रविवारी एक निवडणूक प्रचारसभा घेतली. या सभेत ममतांनी मुस्लिम मतदारांना भाजपपासून सावध राहण्याचा सल्ला दिला होता. असदुद्दीन ओवैसी यांच्या एमआयएम आणि अब्बास सिद्दीकी यांच्या इंडियन सेक्यलर फ्रंट ऐवजी तृणमूल काँग्रेसला एकजूट होऊन मतदान करण्याचं आवाहन केलं होतं. यानंतर पंतप्रधान मोदींनी ममता बॅनर्जींवर टीका केली. हिंदू-मुस्लिम असं करत ममतांनी मतं मागितल्याचा आरोप मोदींनी केला.

coronavirus vaccine : मुंबईत लसीचा साठा ३ दिवसांचा, तर केंद्रीय आरोग्यमंत्र्यांचा 'हा' दावा