संतापलेल्या लेकानं वडिलांना निर्घृणपणे संपवलं; करवत आणली, आईच्या मदतीनं विल्हेवाट लावली

कोलकाता: श्रद्धा वालकर हत्या प्रकरण ताजं असताना, दिल्ली पोलिसांकडून तपास सुरू असताना अशाच प्रकारची घटना पश्चिम बंगालमध्ये घडली आहे. पश्चिम बंगालमधील बरुईपूर जिल्ह्यात एक धक्कादायक प्रकार घडला आहे. एका मुलानं त्याच्या वडिलांची हत्या केली. आईच्या मदतीनं मृतदेहाचे तुकडे केले. त्यानंतर दोघांनी मिळून दक्षिण २४ परगणाच्या बरुईपूरमध्ये फेकून दिला. पोलिसांनी शुक्रवारी बरुईपूरमधील हरिहरपूरमधील एका तलावातून कुजलेल्या अवस्थेतील मृतदेह बाहेर काढला.

तलावातून काढलेला मृतदेह एका निवृत्त नौदल अधिकाऱ्याचा असल्याची माहिती तपासातून समोर आली. उज्ज्वल चक्रवर्ती असं त्यांचं नाव आहे. त्यांना दारु पिण्याचं व्यसन होतं. १४ नोव्हेंबर २०२२ च्या संध्याकाळी उज्जव चक्रवर्ती आणि त्यांच्या मुलामध्ये वाद झाला. महाविद्यालयीन शुल्कावरून दोघांमध्ये भांडण झालं. उज्ज्वल यांचा मुलगा पॉलिटेक्निकचं शिक्षण घेत आहे.
आफताबला भेटलेल्या 'त्या' तरुणींचं पुढे काय झालं? पोलिसांना वेगळीच शंका; टेन्शन वाढलं
भांडण्यादरम्यान उज्ज्वल यांचा मुलगा जॉयचा पारा चढला. त्यानं वडिलांना मारहाण केली, त्यांचा गळा दाबला. यानंतर आई श्यामली चक्रवर्तीच्या मदतीनं त्यानं वडिलांचा मृतदेह करवतीनं कापला. मृतदेहाचे ५ तुकडे करून घरापासून ५०० मीटरवर असलेल्या भागांमध्ये फेकले. यानंतर श्यामली यांनी उज्ज्वल चक्रवर्ती बेपत्ता असल्याची तक्रार पोलीस ठाण्यात नोंदवली.

शनिवारी आयसी बरुईपूर पोलीस ठाण्यासह बरुईपूर पोलीस ठाण्याच्या कर्मचाऱ्यांना मृतदेहाचे तुकडे सापडले. त्यानंतर हे संपूर्ण प्रकरण उघडकीस आलं. पोलिसांनी आरोपी मायलेकांना अटक केली. पोलिसांची दोघांची कसून चौकशी केली. त्यात त्यांनी गुन्ह्याची कबुली दिली.
श्रद्धा प्रकरण ताजं असताना हायवेच्या शेजारी सापडली लाल सुटकेस; उघडताच परिसरात खळबळ
पॉलिटेक्निकचं शिक्षण घेत असलेल्या जॉयनं उज्ज्वल यांच्याकडे शुल्क भरण्यासाठी ३ हजार रुपये मागितले होते. उज्ज्वल यांनी पैसे देण्यास नकार दिला आणि जॉयच्या कानशिलात लगावली. यामुळे संतापलेल्या जॉयनं वडिलांना धक्का दिला. उज्ज्वल जमिनीवर कोसळले. त्यांचं डोकं एका खुर्चीवर आपटलं. यानंतर जॉयनं रागाच्या भरात वडिलांचा गळा आवळला, अशी माहिती बरुईपूरचे पोलीस अधीक्षक एस. पी. पुष्पा यांनी दिली.