पश्चिम बंगाल: २९३ कोटींच्या रोझव्हॅला चिट फंड प्रकरणी एका आरोपीची चौकशी करण्यासाठी धडकलेल्या सीबीआयच्या उच्चपदस्थ अधिकाऱ्यांना स्थानिक पोलीस कर्मचाऱ्यांनी रोखून सीबीआय अधिकाऱ्यांचीच उलट तपासणी घेतल्याची धक्कादायक घटना कोलकाताच्या कशबा परिसरात घडली आहे. याप्रकरणी आरोपी श्रीकांत मोहताला सीबीआयने अखेर ताब्यात घेऊन नंतर अटक केली आहे.
शारदा चिट फंडनंतर २९३ कोटी रुपयांच्या रोझव्हॅली चिट फन्ड घोटाळ्याने पश्चिम बंगालला हादरवून सोडले आहे. श्री व्यंकटेश फिल्म्सचे सर्वेसर्वा श्रीकांत मोहता यांनी रोझव्हॅली चिट फंडचे अध्यक्ष गौतम कुंडू यांच्याकडून २५ कोटींची लाच घेतल्याचा आरोप करण्यात येत होता.
स्थानिक टीव्ही वाहिनीने दिलेल्या वृत्तानुसार सीबीआयने श्रीकांत मोहतांना चौकशीसाठी बोलावणारी नोटीस बजावली होती. पण मोहतांनी सीबीआयच्या नोटिशीकडे कानाडोळा केला. दोनदा चौकशी करूनही मोहता चौकशीसाठी हजर झाले नाहीत म्हणून अखेर सीबीआय अधिकाऱ्यांनी आज सकाळी मोहता यांच्या कशबा परिसरातील ऑफिसवर सकाळी साडे अकराच्या सुमारास धाड टाकली.
पण मोहता यांची तपासणी करण्यासाठी गेलेल्या सीबीआयच्या अधिकाऱ्यांचीच इथे उलट तपासणी घेतली गेली. सीबीआय अधिकारी जेव्हा मोहतांच्या कार्यालयात पोहोचले तेव्हा मोहतांच्या सुरक्षा कर्मचाऱ्यांनी त्यांना ऑफिसमध्ये शिरूच दिले नाही. सीबीआय अधिकाऱ्यांनी ओळखपत्र दाखवल्यावर मात्र तो बाजूला झाला. सीबीआयने ऑफिसमध्ये पाय टाकला तर समोर कशबा पोलीस स्टेशनचे पोलीस त्यांचीच वाट पाहत उभे होते. तुम्ही सीबीआयचे आहात याचा काय पुरावा असा प्रश्न त्यांनी विचारला. हे ऐकून सीबीआयचे अधिकारी चमकलेच. त्यांनी लगेच आपले आयकार्ड दाखवले. पण त्यावरही कशबा पोलीस स्टेशनच्या कर्मचाऱ्यांचे समाधान झाले नाही. त्यांनी सर्च वॉरंटचीही मागणी केली. तसंच स्थानिक पोलीस यंत्रणांकडून धाड टाकण्याची परवानगी देणारं पत्रही मागितलं. परवान्याचं पत्र सीबीआयच्या अधिकाऱ्यांकडे नव्हते. एक -दीड तासांत त्यांनी ते पत्र स्थानिक पोलिसांच्या हाती ठेवलं. पण एवढं होऊनसुद्धा कशबा पोलीस स्टेशनच्या पोलिसांनी सीबीआयची चौकशी सुरूच ठेवली.
अखेर स्थानिक पोलीस सीबीआयसमोर वरमले आणि बाजूला झाले. तीन तासाच्या या नाट्यानंतर सीबीआयने श्रीकांत मोहतांना चौकशीसाठी ताब्यात घेतलं आणि नंतर अटक केली.
दरम्यान आरोपीनेच स्थानिक पोलिसांना पाचारण केलं होतं अशी माहिती पोलिस सूत्रांनी दिली आहे. आरोपी बंगालमधील एक नामवंत व्यक्तिमत्व असल्यामुळे स्थानिक पोलस लगेच त्यांच्या संरक्षणासाठी धावून गेले अशी चर्चा आहे.
शारदा चिट फंडनंतर २९३ कोटी रुपयांच्या रोझव्हॅली चिट फन्ड घोटाळ्याने पश्चिम बंगालला हादरवून सोडले आहे. श्री व्यंकटेश फिल्म्सचे सर्वेसर्वा श्रीकांत मोहता यांनी रोझव्हॅली चिट फंडचे अध्यक्ष गौतम कुंडू यांच्याकडून २५ कोटींची लाच घेतल्याचा आरोप करण्यात येत होता.
स्थानिक टीव्ही वाहिनीने दिलेल्या वृत्तानुसार सीबीआयने श्रीकांत मोहतांना चौकशीसाठी बोलावणारी नोटीस बजावली होती. पण मोहतांनी सीबीआयच्या नोटिशीकडे कानाडोळा केला. दोनदा चौकशी करूनही मोहता चौकशीसाठी हजर झाले नाहीत म्हणून अखेर सीबीआय अधिकाऱ्यांनी आज सकाळी मोहता यांच्या कशबा परिसरातील ऑफिसवर सकाळी साडे अकराच्या सुमारास धाड टाकली.
पण मोहता यांची तपासणी करण्यासाठी गेलेल्या सीबीआयच्या अधिकाऱ्यांचीच इथे उलट तपासणी घेतली गेली. सीबीआय अधिकारी जेव्हा मोहतांच्या कार्यालयात पोहोचले तेव्हा मोहतांच्या सुरक्षा कर्मचाऱ्यांनी त्यांना ऑफिसमध्ये शिरूच दिले नाही. सीबीआय अधिकाऱ्यांनी ओळखपत्र दाखवल्यावर मात्र तो बाजूला झाला. सीबीआयने ऑफिसमध्ये पाय टाकला तर समोर कशबा पोलीस स्टेशनचे पोलीस त्यांचीच वाट पाहत उभे होते. तुम्ही सीबीआयचे आहात याचा काय पुरावा असा प्रश्न त्यांनी विचारला. हे ऐकून सीबीआयचे अधिकारी चमकलेच. त्यांनी लगेच आपले आयकार्ड दाखवले. पण त्यावरही कशबा पोलीस स्टेशनच्या कर्मचाऱ्यांचे समाधान झाले नाही. त्यांनी सर्च वॉरंटचीही मागणी केली. तसंच स्थानिक पोलीस यंत्रणांकडून धाड टाकण्याची परवानगी देणारं पत्रही मागितलं. परवान्याचं पत्र सीबीआयच्या अधिकाऱ्यांकडे नव्हते. एक -दीड तासांत त्यांनी ते पत्र स्थानिक पोलिसांच्या हाती ठेवलं. पण एवढं होऊनसुद्धा कशबा पोलीस स्टेशनच्या पोलिसांनी सीबीआयची चौकशी सुरूच ठेवली.
अखेर स्थानिक पोलीस सीबीआयसमोर वरमले आणि बाजूला झाले. तीन तासाच्या या नाट्यानंतर सीबीआयने श्रीकांत मोहतांना चौकशीसाठी ताब्यात घेतलं आणि नंतर अटक केली.
दरम्यान आरोपीनेच स्थानिक पोलिसांना पाचारण केलं होतं अशी माहिती पोलिस सूत्रांनी दिली आहे. आरोपी बंगालमधील एक नामवंत व्यक्तिमत्व असल्यामुळे स्थानिक पोलस लगेच त्यांच्या संरक्षणासाठी धावून गेले अशी चर्चा आहे.