white fungus : आता पांढऱ्या बुरशीचा धोका; बिहारमध्ये आढळले ४ रुग्ण, काळ्या बुरशीपेक्षाही अधिक धोकादायक

पाटणाः करोना संसर्गाने आधीच नागरिक आणि रुग्ण मेटाकुटीला ( corona patients ) आले आहेत. त्यातच आता मुकरमायकोसिस म्हणजे याला ब्लॅक फंगस ( black fungus infection ) किंवा काळी बुरशी म्हणून ओळखलं जातं. याचा धोका करोना रुग्णांना वाढला असताना आता पांढऱ्या बुरशीचेही ( white fungus ) रुग्ण आढळून आले आहेत. पाटणामध्ये या पांढऱ्या बुरशीचे रुग्ण आढळून आल्याने प्रशासन हादरलं आहे. ही पांढरी बुरशी काळ्या बुरशीपेक्षाही अधिक घातक असल्याचं बोललं जातंय. गेल्या काही दिवसांमध्ये पाटण्यात पांढऱ्या बुरशीचे ४ रुग्ण आढळून आले आहेत. फुप्फुसांमधील संसर्गामुळे या पांढऱ्या बुरशीचा आजार होतो. ही पांढरी बुरशी म्हणजे व्हाइट फंगस ( कँडिडोसिस ) फुप्फुसाशिवाय त्वचा, नखं, तोंडातील आतला भाग आणि आतड्या, किडनी, गुप्तांग आणि मेंदूलाही संसर्ग करतात.

पांढऱ्या बुरशीच्या आजाराचे ४ रुग्ण आढळून आले आहेत. त्यांच्यात करोनाची लक्षणं होती. पण त्यांना करोना नाही तर पांढऱ्या बुरशीचा संसर्ग झाला होता. या सर्व रुग्णांचे रॅपिड अँटिजन, रॅपिड अँटिबॉडी आणि आरटीपीसीआर या सर्व टेस्टचे रिपोर्ट निगेटिव्ह आले होते. तपासणी केल्यानंतर अँटी फंगल औषधांनी ते बरे झाले, अशी माहिती पाटणा मेडिकल कॉलेजचे आणि हॉस्पिटलच्या मायक्रोबायोलॉजी विभागाचे प्रमुख डॉ. एस. एन. सिंह यांनी दिली. पांढऱ्या बुरशीच्या रुग्णांमध्ये पाटणामधील एका एका चर्चित सर्जनचाही समावेश होता. त्यांना करोना वॉर्डमध्ये दाखल करण्यात आलं होतं. तपासणीत त्यांना पांढऱ्या बुरशीचा आजार झाल्याचं समोर आलं होतं. अँटी फंगल औषधं दिल्यानंतर त्यांची ऑक्सिजन लेवल ही ९५ पर्यंत गेली.

करोना आहे की व्हाइट फंगस? कळणं अवघड

पांढऱ्या बुरशीचा फुप्फुसातील संसर्ग हा HRCT मध्ये करोनासारखा दिसतो. यात ओळख करणं अवघड जातं. अशा रुग्णांच्या रॅपिड अँटिजन आणि आरटीपीसीआर चाचण्या निगेटिव्ह येतात. पण करोना रुग्ण ऑक्सिजनवर असेल तर त्याच्या फुप्फुसांना पांढऱ्या बुरशीचा संसर्ग होऊ शकतो.

coronavirus treatment : सावधान! करोना रुग्णांना मधुमेहाचा धोका, ICMR चे संचालक म्हणाले

प्रतिकारशक्ती कमी झाल्याने होतो आजार

पांढऱ्या बुरशीचा आजार हा प्रतिकारशक्ती कमी झाल्यामुळे होतो. मधुमेह, अँटिबायोटिकच घेणं किंवा फार काळ स्टेरॉइड घेतल्याने या आजाराची शक्यता असते. कन्सर रुग्णांना हा आजार लवकर होतो. तसंच अर्भक किंवा नुकत्याच जन्मलेल्या बाळांनाही या आजाराचा धोका असतो.

coronavirus : ७ राज्यांतील रुग्णवाढीने चिंता; अजूनही ५० टक्के नागरिक मास्क घालत नाही, केंद्राची माहिती