पाटणा स्थानकात WiFi चा जास्त वापर पॉर्नसाठी

मटा ऑनलाइन वृत्त । पाटणा

देशभरातील रेल्वे स्थानकांवर प्रवाशांच्या सोयीसाठी सुरू करण्यात आलेल्या मोफत वाय-फाय सुविधेचा गैरवापरच अधिक होताना दिसत आहे. पाटणा रेल्वेस्थानकातील प्रवासी या मोफत वायफाय सुविधेचा सर्वाधिक वापर पॉर्न साइट पाहण्यासाठी करत असल्याची धक्कादायक माहिती खुद्द एका रेल्वे अधिकाऱ्यानंच दिली आहे.

मोफत वायफाय सेवेचा सर्वाधिक लाभ पाटणा रेल्वे स्थानकातील प्रवासी घेत आहेत. वायफायवर पॉर्न साइट सर्च करणाऱ्यांचे प्रमाण सर्वाधिक आहे. तसंच मोफत वायफाय सुविधेचा वापर करणाऱ्या स्थानकांमध्ये पाटणानंतर जयपूर, बेंगळुरू आणि नवी दिल्लीचा क्रमांक लागतो, अशी माहिती 'रेलटेल'च्या अधिकाऱ्यानं दिली.

पाटणा रेल्वेस्थानकात वायफायवर पॉर्न साइट पाहण्याबरोबरच अनेक प्रवासी अॅप्स, बॉलिवूड आणि हॉलिवूडचे चित्रपटही डाउनलोड करतात. सद्यस्थितीत 'रेलटेल'तर्फे १ जीबी इंटरनेट डेटा मोफत दिला जातो. नजीकच्या काळात योजनेत बदल करून १० जीबीपर्यंत मोफत इंटरनेट डेटा दिला जाणार आहे, असंही या अधिकाऱ्यानं सांगितलं.