Live संसद अधिवेशन: मी गोडसेला देशभक्त म्हटलेच नाहीः साध्वी प्रज्ञा

नवी दिल्ली: संसद अधिवेशनाचा आज दहावा दिवस आहे. नथुराम गोडसे देशभक्त होता, या खासदार साध्वी प्रज्ञासिंह ठाकूर यांच्या वक्तव्यावरून लोकसभेत मोठा गदारोळ झाला होता. आज पुन्हा या मुद्द्यावर गोंधळ झाला. त्यामुळं साध्वी प्रज्ञा यांना अखेर माफी मागावी लागली. अधिवेशनातील सर्व घडामोडींचे अपडेट्स:

लाइव्ह अपडेट्स:
>> अर्थव्यवस्थेत तेजी नाहीच;जीडीपी ४.५ टक्क्यांवर

>> दिल्ली: १५ जानेवारी २०२१ पासून सोन्यांच्या दागिन्यांवर हॉलमार्क अनिवार्य; केंद्रीय मंत्री रामविलास पासवान यांची माहिती

>> मी गोडसेला देशभक्त म्हटलेच नाहीः साध्वी प्रज्ञा

>> नथुराम गोडसे याचा देशभक्त म्हणून उल्लेख केल्याप्रकरणी साध्वी प्रज्ञा यांनी पुन्हा मागितली माफी

>> साध्वी प्रज्ञा यांनी बिनशर्त माफी मागावी; विरोधी पक्षाच्या नेत्यांची मागणी

>> लोकसभेचे कामकाज दुपारी २.३० वाजेपर्यंत तहकूब

>>गोडसे नक्की कोण होता? हे सरकारनं सांगावं; असदुद्दीन ओवैसी यांचा गोडसे मुद्द्यावर प्रश्न

>> विरोधी खासदारांकडून लोकसभेत महात्मा गांधी की जय... डाउन डाउन गोडसे... अशी घोषणाबाजी

>> साध्वी प्रज्ञा यांनी माफी मागितल्यानंतरही लोकसभेत गदारोळ सुरूच

>> सभागृहात मला दहशतवादी म्हणून संबोधले गेले. हा महिलांचा अपमान आहे. माझ्याविरोधात न्यायालयात कुठलाही आरोप सिद्ध झालेला नाही - साधी प्रज्ञा

>> माझ्या विधानाचा विपर्यास करण्यात आला आहे. कुणाच्या भावना दुखावल्या असतील तर मी माफी मागते - साध्वी प्रज्ञा

>> लोकसभेत साध्वी प्रज्ञा यांच्या वक्तव्यावरून वातावरण तापले

>> नागरिकत्व सुधारणा विधेयकाच्या विरोधात संसद भवन परिसरात ईशान्येतील काँग्रेस व नागा पीपल्स फ्रंटच्या खासदारांची निदर्शने
>> नॅशनल कॉन्फरन्सचे नेते फारुख अब्दुल्ला यांना सोडण्याच्या मागणीसाठी संसद भवन परिसरात द्रमुक सदस्यांची निदर्शने

>> संसद अधिवेशनाचं दहाव्या दिवसाचं कामकाज सुरू