हॉस्पिटलमधून बाहेर काढले, शेतात झाली प्रसूती

भोपाळ: साडीचा पडदा बनवला गेला, स्थानिक महिलांना मदतीसाठी बोलावले गेले आणि थेट शेतातच एका गर्भवती महिलेची प्रसूती केली गेली. ही घटना गावात किंवा परिसरात वैद्यकीय सेवा उपलब्ध नसल्यामुळे घडली नसून केवळ डॉक्टर निर्दयीपणामुळे घडली हे विशेष.

मध्य प्रदेशातील डिंडोरी येथील एक गर्भवती महिला प्रसूतीसाठी हॉस्पिटलमध्ये दाखल झाली. मात्र डॉक्टरांनी गर्भवती महिलेच्या मुलाला जन्मापूर्वीच मृत घोषित करून टाकले. इतकेच नाही तर डॉक्टरांनी या महिलेला हॉस्पिटलबाहेरही काढले. आरोग्य सेवेची विदारक चित्र दाखवणारी ही घटना घडली मध्य प्रदेशातील डिंडोरी भागात.

हॉस्पिटलमधून बाहेर काढल्या गेलेल्या या महिलेची एका शेतात स्थानिक महिलांच्या मदतीने प्रसूती करण्यात आली. मात्र, या महिलेचे मूल मृत असल्याचे घोषित केल्याचे समजल्यावर परिसरात आश्चर्य व्यक्त करण्यात येत होते.

सीएमओने दिले कारवाईचे आदेश

मध्य प्रदेशच्या मुख्यमंत्री कार्यालयाने या प्रकरणाची चौकशी करण्याचे आदेश दिले आहेत. चौकशीत दोषी आढळून येणाऱ्याना निलंबित केले जाऊ शकते असे मुख्य वैद्यकीय अधिकाऱ्याने म्हटले आहे. शिवाय त्यांच्या पगारात कपात करून त्यांना शिक्षा ठोठावली जाऊ शकते असेही अधिकारी म्हणाला.