सेक्ससाठी नकार, पत्नीने केली पतीची हत्या

मटा ऑनलाइन वृत्त । अहमदाबाद

पतीने सेक्स करण्यासाठी नकार दिल्याने रागाच्या भरात त्याची हत्या करणाऱ्या पत्नीला येथील सत्र न्यायालयाने जन्मठेपेची शिक्षा सुनावली आहे. अतिरिक्त सत्र न्यायधिश यू.एम.भट्ट यांनी दोषी विमला वाघेला हिला जन्मठेप आणि २ हजार रुपयांचा दंड ठोठावला आहे.

शारदानगर येथे पती नरसिंहसोबत राहणाऱ्या विमलाने पतीची हत्या केली होती. पोलिसांनी दाखल केलेल्या आरोपपत्रानुसार २ नोव्हेंबर २०१३ रोजी दुपारी विमलाच्या पतीने सेक्स करण्यास नकार दिला. यावरून विमलाने पतीसोबत भांडण करण्यास सुरुवात केली. तिने नरसिंहचे अन्य महिलांसोबत संबंध असल्याचा आरोप केला. दोघांमध्ये कडाक्याचे भांडण झाले. यात रागाच्या भरात विमलाने काठीने नरसिंहच्या डोक्यावर प्रहार केला. पत्नीने केलेल्या या माहराणीत नरसिंहचा मृत्यू झाला.

या घटनेनंतर विमलाने सरदारनगर पोलिस स्टेशनमध्ये जाऊन पतीच्या मृत्यूची तक्रार दिली. पुढे पोलीस तपासात विमलानेच पतीची हत्या केल्याचे समोर आले.