राखी बांधून परत येत असताना महिलेवर बलात्कार

ग्रेटर नोएडा: भावाला राखी बांधून घरी परत येत असणाऱ्या एका महिलेवर बलात्कार झाल्याची धक्कादायक घटना ग्रेटर नोएडामध्ये घडली आहे. पोलिासांनी याप्रकरणी गुन्हा दाखल केला असून पुढील तपास सुरू आहे.

पोलिसांनी दिलेल्या माहितीनुसार पीडित महिला ३२ वर्षांची असून तिला ३ मुलंही आहेत. रक्षाबंधनच्या सणानिमित्त ती माहेरी बुलंदशहरला गेली होती. बुलंदशहरहून संध्याकाळी येथील परी चौकात ती पोहोचली. परी चौकामधून घरी जायला कोणतंही साधन मिळत नसल्यामुळे तिने तिच्या मैत्रिणीच्या बॉयफ्रेन्डच्या भाऊ बल्ली याला फोन केला. तो लगेच तिला कारने घ्यायला आला. त्याने तिला आपल्या कारमध्ये बसवलं आणि एक गुंगीचं औषध दिलं. त्यानंतर सहा तास तिच्यावर बलात्कार केला आणि सकाळी चारच्या सुमारास पुन्हा परी चौकामध्ये आणून सोडलं.

पीडित महिलेने शुक्रवारी सकाळी बीटा-१ पोलीस चौकीत येऊन याप्रकरणी तक्रार दाखल केली आहे. पीडित महिलेला याआधी खूनाच्या आरोपाखालीही शिक्षाही झाली आहे.