बेंगळूरू :
घर मालकाकडून छळ होत असल्याने कर्नाटकातील बेंगळूरू शहरात एका महिलेने आत्महत्या केल्याची धक्कादायक घटना समोर आली आहे. या महिलेने आत्महत्येपूर्वी स्वत:चा व्हिडिओ काढला होता. या व्हिडिओत घर मालकावर गंभीर आरोप केलेत. आपल्या आत्महत्येसाठी घर मालक जबाबदार असल्याचं महिलेने व्हिडिओत सांगितलंय.
व्हिडिओमध्ये मंजुळ या महिलेने घरमालक सोमशेखर, त्याची पत्नी बिंदु आणि मुलगी गीता या तिघांचीही नावे घेत आत्महत्येसाठी त्यांना जबाबदार धरावे, असं म्हटलंय. 'त्यांनी आम्हाला फार त्रास दिला आहे. माझे मंगळसूत्र त्यांनी काढून घेतले. मी आणि माझे पती पोलिसांकडे तक्रार करायला गेलो. त्यावेळी सोमशेखर, बिंदु आणि गीताने पोलिसांसमोर आम्हाला मारहाण केली. तिथे असलेल्या पोलिसांनी फक्त बघ्याची भूमिका घेतली. यानंतर मी नवऱ्याला रुग्णालयात दाखल केले. मी आता आत्महत्या करतेय', असं मंजुळाने या व्हिडिओत सांगितलंय.
घर सोडण्यावरून वाद
बंगळूरमधील देवनाहल्ली भागात मंजुळा (वय ३६) तिच्या पतीसह भाड्याच्या घरात रहात होती. घराचे मालक सोमशेखर याने काही दिवसांपूर्वी मंजुळा आणि तिच्या पतीला घर सोडण्यास सांगितले. यावरून दोघांमध्ये वाद चालू झाले. सोमनाथने रविवारी रात्री मंजुळाच्या घराला होणारा पाण्याचा पुरवठा बंद केल्यानंतर भाडेकरू आणि घर मालकांत कडाक्याचे भांडण झाले. सोमवारी संध्याकाळी दोघेही पोलीस स्टेशन मध्ये गेले. यावेळी पोलिसांनी दोघांनाही समज देऊन परत पाठवले, अशी माहिती देवनाहल्ली पोलिसांनी दिली आहे.
पोलिसांच्या म्हणण्यानुसार सोमशेखर यांची पत्नी बिंदु आणि मुलगी गीता यांच्यासोबत मंगळवारी सकाळी मंजुळाचे पुन्हा भांडण झाले. या भांडणानंतर मंगळवारी दुपारी साडे तीन दरम्यान मंजुळाने व्हिडिओचे चित्रीकरण केले आणि त्यानंतर घरात गळफास घेऊन आत्महत्या केली.
घरमालकावर गुन्हा दाखल
घरमालक सोमशेखर आणि त्याची पत्नी व मुलीविरोधात आत्महत्येस प्रवृत्त केल्याबद्दल गुन्हा दाखल करण्यात आला आहे. या प्रकरणी पोलिसांनी सोमशेखरला ताब्यात घेतले आहे.
घर मालकाकडून छळ होत असल्याने कर्नाटकातील बेंगळूरू शहरात एका महिलेने आत्महत्या केल्याची धक्कादायक घटना समोर आली आहे. या महिलेने आत्महत्येपूर्वी स्वत:चा व्हिडिओ काढला होता. या व्हिडिओत घर मालकावर गंभीर आरोप केलेत. आपल्या आत्महत्येसाठी घर मालक जबाबदार असल्याचं महिलेने व्हिडिओत सांगितलंय.
व्हिडिओमध्ये मंजुळ या महिलेने घरमालक सोमशेखर, त्याची पत्नी बिंदु आणि मुलगी गीता या तिघांचीही नावे घेत आत्महत्येसाठी त्यांना जबाबदार धरावे, असं म्हटलंय. 'त्यांनी आम्हाला फार त्रास दिला आहे. माझे मंगळसूत्र त्यांनी काढून घेतले. मी आणि माझे पती पोलिसांकडे तक्रार करायला गेलो. त्यावेळी सोमशेखर, बिंदु आणि गीताने पोलिसांसमोर आम्हाला मारहाण केली. तिथे असलेल्या पोलिसांनी फक्त बघ्याची भूमिका घेतली. यानंतर मी नवऱ्याला रुग्णालयात दाखल केले. मी आता आत्महत्या करतेय', असं मंजुळाने या व्हिडिओत सांगितलंय.
घर सोडण्यावरून वाद
बंगळूरमधील देवनाहल्ली भागात मंजुळा (वय ३६) तिच्या पतीसह भाड्याच्या घरात रहात होती. घराचे मालक सोमशेखर याने काही दिवसांपूर्वी मंजुळा आणि तिच्या पतीला घर सोडण्यास सांगितले. यावरून दोघांमध्ये वाद चालू झाले. सोमनाथने रविवारी रात्री मंजुळाच्या घराला होणारा पाण्याचा पुरवठा बंद केल्यानंतर भाडेकरू आणि घर मालकांत कडाक्याचे भांडण झाले. सोमवारी संध्याकाळी दोघेही पोलीस स्टेशन मध्ये गेले. यावेळी पोलिसांनी दोघांनाही समज देऊन परत पाठवले, अशी माहिती देवनाहल्ली पोलिसांनी दिली आहे.
पोलिसांच्या म्हणण्यानुसार सोमशेखर यांची पत्नी बिंदु आणि मुलगी गीता यांच्यासोबत मंगळवारी सकाळी मंजुळाचे पुन्हा भांडण झाले. या भांडणानंतर मंगळवारी दुपारी साडे तीन दरम्यान मंजुळाने व्हिडिओचे चित्रीकरण केले आणि त्यानंतर घरात गळफास घेऊन आत्महत्या केली.
घरमालकावर गुन्हा दाखल
घरमालक सोमशेखर आणि त्याची पत्नी व मुलीविरोधात आत्महत्येस प्रवृत्त केल्याबद्दल गुन्हा दाखल करण्यात आला आहे. या प्रकरणी पोलिसांनी सोमशेखरला ताब्यात घेतले आहे.