चंदिगड: कुस्तीपटू योगेश्वर दत्त, बबिता फोगट हे कुस्तीच्या आखाड्यातून आता निवडणुकीच्या आखाड्यात उतरले आहेत. हरयाणा विधानसभा निवडणुकीसाठी भाजपकडून उमेदवारी जाहीर झाली आहे. या दोघांसह सात खेळाडूंना भाजपने उमेदवारी दिली आहे. काही दिवसांपूर्वीच बबिता आणि योगेश्वर दत्त यांनी भाजपात प्रवेश केला होता.
हरयाणा विधानसभा निवडणुकीसाठी भाजपने आज उमेदवारांची पहिली यादी जाहीर केली. यात ७८ उमेदवारांचा समावेश आहे. जाहीर केलेल्या यादीत ३८ विद्यमान आमदारांचा समावेश असून सात आमदारांचे तिकीट कापण्यात आले आहे. तर, सात खेळाडूंना निवडणुकीच्या रिंगणात उतरवले आहे. कुस्तीपटू योगेश्वर दत्त (बरौदा), बबिता फोगट (दादरी), माजी हॉकीपटू संदीप सिंग (पिहुआ), लतिका शर्मा (कालका) आणि ज्ञानचंद्र गुप्ता (पंचकुला) यांना उमेदवारी जाहीर झाली आहे. खेळाचे मैदान गाजवणारे निवडणुकीच्या मैदानातही बाजी मारतील का, हे पाहणे औत्सुक्याचे ठरणार आहे. भाजपने सात खेळाडूंना निवडणुकीच्या मैदानात उतरवून राजकीय पटलावर खेळी खेळली आहे.
दरम्यान, मुख्यमंत्री मनोहरलाल खट्टर कर्नालमधून निवडणूक लढवणार आहेत. खट्टर यांनी २०१४ मध्ये कर्नालमधून निवडणूक लढवली आणि जिंकली होती. भाजप प्रदेशाध्यक्ष सुभाष बराला, अनिल वीज, कंवरपाल गुर्जर, कृष्ण बेदी आदींसह माजी केंद्रीय मंत्री आणि जाट नेते वीरेंद्र सिंह यांच्या पत्नी उचाना यांना भाजपने पुन्हा उमेदवारी दिली आहे. भाजपच्या पहिल्या यादीत ९ महिला आणि दोन मुस्लिमांना उमेदवारी दिली आहे.
जेजेपी आणि बसपनेही जाहीर केले उमेदवार
हरयाणामध्ये २१ ऑक्टोबर रोजी मतदान होणार आहे. या निवडणुकीत भाजपला काँग्रेस आणि जेजेपी या पक्षासोबत होणार आहे. रविवारी दुष्यंत चौटाला यांच्या जननायक जनता पार्टीने राज्यातील १० जागांवर आपले उमेदवार जाहीर केले होते. त्याशिवाय बहुजन समाज पक्षानेही आपल्या उमेदवारांची घोषणा केली.
हरयाणा विधानसभा निवडणुकीसाठी भाजपने आज उमेदवारांची पहिली यादी जाहीर केली. यात ७८ उमेदवारांचा समावेश आहे. जाहीर केलेल्या यादीत ३८ विद्यमान आमदारांचा समावेश असून सात आमदारांचे तिकीट कापण्यात आले आहे. तर, सात खेळाडूंना निवडणुकीच्या रिंगणात उतरवले आहे. कुस्तीपटू योगेश्वर दत्त (बरौदा), बबिता फोगट (दादरी), माजी हॉकीपटू संदीप सिंग (पिहुआ), लतिका शर्मा (कालका) आणि ज्ञानचंद्र गुप्ता (पंचकुला) यांना उमेदवारी जाहीर झाली आहे. खेळाचे मैदान गाजवणारे निवडणुकीच्या मैदानातही बाजी मारतील का, हे पाहणे औत्सुक्याचे ठरणार आहे. भाजपने सात खेळाडूंना निवडणुकीच्या मैदानात उतरवून राजकीय पटलावर खेळी खेळली आहे.
दरम्यान, मुख्यमंत्री मनोहरलाल खट्टर कर्नालमधून निवडणूक लढवणार आहेत. खट्टर यांनी २०१४ मध्ये कर्नालमधून निवडणूक लढवली आणि जिंकली होती. भाजप प्रदेशाध्यक्ष सुभाष बराला, अनिल वीज, कंवरपाल गुर्जर, कृष्ण बेदी आदींसह माजी केंद्रीय मंत्री आणि जाट नेते वीरेंद्र सिंह यांच्या पत्नी उचाना यांना भाजपने पुन्हा उमेदवारी दिली आहे. भाजपच्या पहिल्या यादीत ९ महिला आणि दोन मुस्लिमांना उमेदवारी दिली आहे.
जेजेपी आणि बसपनेही जाहीर केले उमेदवार
हरयाणामध्ये २१ ऑक्टोबर रोजी मतदान होणार आहे. या निवडणुकीत भाजपला काँग्रेस आणि जेजेपी या पक्षासोबत होणार आहे. रविवारी दुष्यंत चौटाला यांच्या जननायक जनता पार्टीने राज्यातील १० जागांवर आपले उमेदवार जाहीर केले होते. त्याशिवाय बहुजन समाज पक्षानेही आपल्या उमेदवारांची घोषणा केली.