म. टा. विशेष प्रतिनिधी/वृत्तसंस्था, नवी दिल्ली : उत्तर प्रदेशचे मुख्यमंत्री योगी आदित्यनाथ यांच्या कार्यशैलीबाबत भाजप आणि संघात नाराजी असल्याचे बोलले गेल्यानंतर योगींनी गुरुवारी दिल्लीत धाव घेतली. केंद्रीय गृहमंत्री अमित शहा यांची त्यांनी भेट घेतली असून, आज (शुक्रवारी, ११ जून) ते पंतप्रधान नरेंद्र मोदी यांना भेटणार आहेत. सगळ्यांना बरोबर घेऊन राज्यकारभाराचा गाडा हाकण्यात उत्तर प्रदेशचे मुख्यमंत्री योगी आदित्यनाथ यांना अपयश येत असल्याचा ठपका ठेवणारे अहवाल, मते खासदार, आमदार, राज्याचे मंत्री, स्थानिक नेते, राष्ट्रीय स्वयंसेवक संघाच्या दत्तात्रय होसबळे यांच्यासह विविध नेत्यांनी मांडली आहेत. त्यामुळे दिल्लीतील भाजपश्रेष्ठी म्हणजे पंतप्रधान नरेंद्र मोदी आणि गृहमंत्री अमित शहा यांची योगींबाबत नाराजी आहे. या पार्श्वभूमीवर मुख्यमंत्री योगी दिल्लीत दाखल झाले. त्यांनी शहा यांची भेट घेऊन दीड तास चर्चा केली.
पुढील वर्षी होणाऱ्या उत्तर प्रदेशच्या विधानसभा निवडणुकांच्या पार्श्वभूमीवर भाजपमध्ये आतापासूनच तयारी आणि राजकीय खलबतांना वेग आला आहे. मंत्रिमंडळ फेरबदलाच्या चर्चा, पक्ष प्रभारींची भेट या घडामोडी आणि दिल्लीतील पक्षश्रेष्ठींच्या नाराजीबाबत सातत्याने चर्चा होत असल्याने योगी यांनी दिल्ली गाठली. योगी यांच्या दिल्ली भेटीदरम्यान उत्तर प्रदेश विधानसभा निवडणुकीची रणनीती, राज्य मंत्रिमंडळ आणि प्रदेश भाजपमध्ये फेरबदल तसेच, पंतप्रधान मोदी यांचे विश्वासू ए. के. शर्मा यांच्याविषयी निर्णय होण्याची शक्यता असल्याचे समजते. दिल्लीला येण्यापूर्वी योगी आदित्यनाथ यांनी प्रदेश भाजपचे अध्यक्ष स्वतंत्र देव तसेच, संघटनमंत्री सुनील बन्सल यांच्याशीही बुधवारी रात्री चर्चा केली.
भाजपचे केंद्रीय नेते बी. एल. संतोष आणि राधा मोहन सिंग यांनी तीन दिवसांच्या लखनौतील भेटीदरम्यान राज्याच्या स्थिती आणि मतमतांतराचा अंदाज घेतला. या चर्चांमध्ये योगींच्या एककल्ली कारभारावर प्रत्येकाने बोट ठेवले होते. योगी स्वत: ठाकूर समाजाचे असून, ते ब्राह्मण समुदायासह इतर नेत्यांचे महत्त्व कमी करण्याच्या प्रयत्नात असल्याने त्यांच्याबाबत चीड आहे. तसेच खासदार, आमदारांसाठीही ते कधीच उपलब्ध नसतात. चर्चा करत नाहीत, असा मतप्रवाह आहे. करोनाच्या दुसऱ्या लाटेचा भयंकर फटका बसल्याने याबाबत संतापामध्ये भरच पडली आहे. पक्षांतर्गत मतांचे अहवाल येत असतानाच सोशल मीडिया आणि आंतरराष्ट्रीय पातळीवर हीच प्रतिमा दिसत आहे. त्यामुळेच दिल्ली भेटीदरम्यान योगी विविध विभागांची कागदपत्रे घेऊन गेले असून, त्यात करोना हाताळणीचा तपशील आहे. तो वरिष्ठांपुढे ठेवून आपली बाजू मांडण्याचा प्रयत्न ते करतील.
योगी यांच्याबाबत नाराजी असली तरी त्यांना पदावरून दूर केले जाण्याची शक्यता नाही. त्यामुळेच मंत्रिमंडळ फेरबदल आणि अन्य मार्गाने प्रतिमा सुधारण्यावर भर दिला जाण्याची शक्यता आहे. त्यात शर्मा यांचा मंत्रिमडळ प्रवेश होण्याची शक्यता दाट आहे.
भेटीगाठींना वेग
दिल्लीत पोहोचल्यावर योगी यांनी शहा यांची त्यांच्या निवासस्थानी भेट घेऊन दीड तास चर्चा केली. तसेच आज, शुक्रवारी सकाळी पावणेअकरा वाजता ते मोदी यांची भेट घेणार आहेत. उभय नेत्यांच्या या बैठकीकडे भाजप आणि संघ परिवाराचे लक्ष लागले आहे. मोदी यांची भेट आटोपल्यानंतर दुपारी साडेबारा वाजता भाजपचे राष्ट्रीय अध्यक्ष जगतप्रकाश नड्डा यांनाही भेटणार आहेत. गुरुवारी योगी-शहा यांची बैठक सुरू असताना नड्डा यांनी पंतप्रधान मोदी यांची त्यांच्या निवासस्थानी भेट घेतली. योगी यांच्या भेटीनंतर उत्तर प्रदेशच्या खासदार अनुप्रिया पटेल यांचीही शहा यांच्यासोबत बैठक झाली.
पुढील वर्षी होणाऱ्या उत्तर प्रदेशच्या विधानसभा निवडणुकांच्या पार्श्वभूमीवर भाजपमध्ये आतापासूनच तयारी आणि राजकीय खलबतांना वेग आला आहे. मंत्रिमंडळ फेरबदलाच्या चर्चा, पक्ष प्रभारींची भेट या घडामोडी आणि दिल्लीतील पक्षश्रेष्ठींच्या नाराजीबाबत सातत्याने चर्चा होत असल्याने योगी यांनी दिल्ली गाठली. योगी यांच्या दिल्ली भेटीदरम्यान उत्तर प्रदेश विधानसभा निवडणुकीची रणनीती, राज्य मंत्रिमंडळ आणि प्रदेश भाजपमध्ये फेरबदल तसेच, पंतप्रधान मोदी यांचे विश्वासू ए. के. शर्मा यांच्याविषयी निर्णय होण्याची शक्यता असल्याचे समजते. दिल्लीला येण्यापूर्वी योगी आदित्यनाथ यांनी प्रदेश भाजपचे अध्यक्ष स्वतंत्र देव तसेच, संघटनमंत्री सुनील बन्सल यांच्याशीही बुधवारी रात्री चर्चा केली.
भाजपचे केंद्रीय नेते बी. एल. संतोष आणि राधा मोहन सिंग यांनी तीन दिवसांच्या लखनौतील भेटीदरम्यान राज्याच्या स्थिती आणि मतमतांतराचा अंदाज घेतला. या चर्चांमध्ये योगींच्या एककल्ली कारभारावर प्रत्येकाने बोट ठेवले होते. योगी स्वत: ठाकूर समाजाचे असून, ते ब्राह्मण समुदायासह इतर नेत्यांचे महत्त्व कमी करण्याच्या प्रयत्नात असल्याने त्यांच्याबाबत चीड आहे. तसेच खासदार, आमदारांसाठीही ते कधीच उपलब्ध नसतात. चर्चा करत नाहीत, असा मतप्रवाह आहे. करोनाच्या दुसऱ्या लाटेचा भयंकर फटका बसल्याने याबाबत संतापामध्ये भरच पडली आहे. पक्षांतर्गत मतांचे अहवाल येत असतानाच सोशल मीडिया आणि आंतरराष्ट्रीय पातळीवर हीच प्रतिमा दिसत आहे. त्यामुळेच दिल्ली भेटीदरम्यान योगी विविध विभागांची कागदपत्रे घेऊन गेले असून, त्यात करोना हाताळणीचा तपशील आहे. तो वरिष्ठांपुढे ठेवून आपली बाजू मांडण्याचा प्रयत्न ते करतील.
योगी यांच्याबाबत नाराजी असली तरी त्यांना पदावरून दूर केले जाण्याची शक्यता नाही. त्यामुळेच मंत्रिमंडळ फेरबदल आणि अन्य मार्गाने प्रतिमा सुधारण्यावर भर दिला जाण्याची शक्यता आहे. त्यात शर्मा यांचा मंत्रिमडळ प्रवेश होण्याची शक्यता दाट आहे.
भेटीगाठींना वेग
दिल्लीत पोहोचल्यावर योगी यांनी शहा यांची त्यांच्या निवासस्थानी भेट घेऊन दीड तास चर्चा केली. तसेच आज, शुक्रवारी सकाळी पावणेअकरा वाजता ते मोदी यांची भेट घेणार आहेत. उभय नेत्यांच्या या बैठकीकडे भाजप आणि संघ परिवाराचे लक्ष लागले आहे. मोदी यांची भेट आटोपल्यानंतर दुपारी साडेबारा वाजता भाजपचे राष्ट्रीय अध्यक्ष जगतप्रकाश नड्डा यांनाही भेटणार आहेत. गुरुवारी योगी-शहा यांची बैठक सुरू असताना नड्डा यांनी पंतप्रधान मोदी यांची त्यांच्या निवासस्थानी भेट घेतली. योगी यांच्या भेटीनंतर उत्तर प्रदेशच्या खासदार अनुप्रिया पटेल यांचीही शहा यांच्यासोबत बैठक झाली.