वृत्तसंस्था, नवी दिल्ली
'सर आयझॅक न्यूटनने गुरुत्वाकर्षणाचा शोध लावला म्हणता? अहो त्याआधी हजारो वर्षे, आपल्या प्राचीन भारतीय ग्रंथांत गुरुत्वाकर्षणाच्या संकल्पनेचा उल्लेख आढळतो,' असे वक्तव्य केंद्रीय मनुष्यबळ विकासमंत्री रमेश पोखरियाल यांनी केले आहे.
राष्ट्रीय स्वयंसेवक संघाशी संबंधित 'शिक्षा संस्कृती उत्थान न्यास'ने शनिवारी येथे 'ज्ञानोत्सव' आयोजित केला होता. नव्या शिक्षण धोरणावर चर्चा हा या ज्ञानोत्सवाचा हेतू होता. देशातील अनेक आयआयटींचे, तसेच एनआयटींचे संचालक, विद्यापीठ अनुदान आयोगाचे वरिष्ठ अधिकारी, शिक्षण संस्थांतील नामवंत यांच्यासह राष्ट्रीय स्वयंसेवक संघाचे सरसंघचालक मोहन भागवत व संघाचे अनेक पदाधिकारी या कार्यक्रमास उपस्थित होते. या सगळ्यांच्या समक्षच रमेश पोखरियाल यांनी या ज्ञानोत्सवात आपल्या ज्ञानाची मांडणी केली. 'चरक, आर्यभट्ट यांच्याविषयी आपण केवळ बडबड करतो, मात्र ते खरोखर होते हे आपण सिद्ध करायला हवे,' असे सांगत, 'भारतीय प्राचीन ग्रंथांत गुरुत्वाकर्षणाच्या संकल्पनेचा उहापोह केलेला आढळतो,' असे पोखरियाल म्हणाले. 'आपल्याकडे प्राचीन काळी अगाध ज्ञान होते. पण आजच्या काळास अनुसरून त्याबाबतची माहिती तरुण पिढीपर्यंत पोहोचवण्यात आपण कमी पडलो. ही बाब लक्षात घेता आयआयटी, एनआयटी यांनी आपल्या प्राचीन ज्ञानाबाबत अधिक संशोधन करावे, असे आवाहन मी करीत आहे,' असे ते म्हणाले.
'संस्कृत ही जगातील सर्व भाषांची जननी'
'वेद व पुराणे ही संस्कृत भाषेत लिहिण्यात आली आहेत. संस्कृत भाषा ही या पृथ्वीतलावरील सगळ्या भाषांची जननी आहे,' असे म्हणणे पोखरियाल यांनी मांडले. 'संस्कृतपेक्षाही एखादी भाषा पुरातन असेल, तर तुम्ही माझ्या निदर्शनास आणून द्या,' अशी पुस्तीही मग त्यांनी जोडली.
'सर आयझॅक न्यूटनने गुरुत्वाकर्षणाचा शोध लावला म्हणता? अहो त्याआधी हजारो वर्षे, आपल्या प्राचीन भारतीय ग्रंथांत गुरुत्वाकर्षणाच्या संकल्पनेचा उल्लेख आढळतो,' असे वक्तव्य केंद्रीय मनुष्यबळ विकासमंत्री रमेश पोखरियाल यांनी केले आहे.
राष्ट्रीय स्वयंसेवक संघाशी संबंधित 'शिक्षा संस्कृती उत्थान न्यास'ने शनिवारी येथे 'ज्ञानोत्सव' आयोजित केला होता. नव्या शिक्षण धोरणावर चर्चा हा या ज्ञानोत्सवाचा हेतू होता. देशातील अनेक आयआयटींचे, तसेच एनआयटींचे संचालक, विद्यापीठ अनुदान आयोगाचे वरिष्ठ अधिकारी, शिक्षण संस्थांतील नामवंत यांच्यासह राष्ट्रीय स्वयंसेवक संघाचे सरसंघचालक मोहन भागवत व संघाचे अनेक पदाधिकारी या कार्यक्रमास उपस्थित होते. या सगळ्यांच्या समक्षच रमेश पोखरियाल यांनी या ज्ञानोत्सवात आपल्या ज्ञानाची मांडणी केली. 'चरक, आर्यभट्ट यांच्याविषयी आपण केवळ बडबड करतो, मात्र ते खरोखर होते हे आपण सिद्ध करायला हवे,' असे सांगत, 'भारतीय प्राचीन ग्रंथांत गुरुत्वाकर्षणाच्या संकल्पनेचा उहापोह केलेला आढळतो,' असे पोखरियाल म्हणाले. 'आपल्याकडे प्राचीन काळी अगाध ज्ञान होते. पण आजच्या काळास अनुसरून त्याबाबतची माहिती तरुण पिढीपर्यंत पोहोचवण्यात आपण कमी पडलो. ही बाब लक्षात घेता आयआयटी, एनआयटी यांनी आपल्या प्राचीन ज्ञानाबाबत अधिक संशोधन करावे, असे आवाहन मी करीत आहे,' असे ते म्हणाले.
'संस्कृत ही जगातील सर्व भाषांची जननी'
'वेद व पुराणे ही संस्कृत भाषेत लिहिण्यात आली आहेत. संस्कृत भाषा ही या पृथ्वीतलावरील सगळ्या भाषांची जननी आहे,' असे म्हणणे पोखरियाल यांनी मांडले. 'संस्कृतपेक्षाही एखादी भाषा पुरातन असेल, तर तुम्ही माझ्या निदर्शनास आणून द्या,' अशी पुस्तीही मग त्यांनी जोडली.