Tik-Tok व्हिडिओ बनवताना तरुणाचा मृत्यू

मुजफ्फरनगर, उत्तर प्रदेश : सोशल नेटवर्किंग साईट 'टिक-टॉक'चा आणखी एक बळी गेलाय. टिक-टॉक व्हिडिओ बनवताना एका तरुणानं आपला जीव गमावलाय. ही धक्कादायक घटना उत्तरप्रदेशातील मुजफ्फरपूरमध्ये घडलीय. टिक-टॉक व्हिडिओ बनवण्यासाठी या तरुणानं पाण्यात उडी घेतली आणि तिथंच त्याचा मृत्यू झाला. त्याच्या मृत्यूची ही घटना कॅमेऱ्यातही कैद झालीय. हा व्हिडिओ सोशल मीडियावर व्हायरल होतोय.

८२१ रेल्वे रद्द, तुमचंही बुकींग असेल तर...

हा तरुण मीरापूर भागातील रहिवासी होता. आपल्या काही मित्रांसोबत तो जवळच्याच कालव्याजवळ दाखल झाला होता. पाण्यात उडी मारताना त्याला आपला टिक-टॉक व्हिडिओ बनवायचा होता. त्यानं पाण्यात उडीही घेतली पण हा व्हिडिओ त्याचा अखेरचा व्हिडिओ ठरला.



व्हिडिओमध्ये या तरुणाचा मित्र आपल्या कॅमेऱ्यात हा व्हिडिओ शूट करताना दिसतोय. तर दुसरा मित्र त्याला परत येण्यासाठी बोलावतोय. पण तरणानं मागे न फिरता पाण्यात उडी घेतली. त्यानंतर तो पाण्यावर तरंगताना दिसतोय.

निर्भया प्रकरण : दोषी पवनची याचिका फेटाळली

पाण्यात उडी घेतल्यानंतर या तरुणाचं डोकं एका मोठ्या दगडावर आपटलं. त्यामुळे त्याचा जागीच मृत्यू झाला. त्याचा हा धक्कादायक मृत्यू कॅमेऱ्यातही कैद झाला. दरम्यान, तरुणाच्या कुटुंबीयांनी या तरुणाच्या मित्रांवर त्याच्या हत्येचा आरोप केलाय.

दिल्ली दंगल: रिक्षा ओढणाऱ्यांची ही कहाणी डोळ्यात आणते पाणी