पार्टीला जाण्याची तयारी, आंघोळ करताना तरुणाची किंकाळी; नळातून आला मृत्यू, कुटुंबावर शोककळा

लखनऊ: घरातील बाथरुममध्ये आंघोळ करत असताना तरुणाचा मृत्यू झाल्याची घटना घडली आहे. उत्तर प्रदेशच्या रामपूरमध्ये ही दुर्दैवी घटना घडली. २२ वर्षांचा ओमेंद्र गंगवार आंघोळ करत होता. बाथरुमला पाणी पुरवठा करणाऱ्या मोटरवर पाणी पडल्यानं करंट पसरला. त्यामुळे ओमेंद्रचा मृत्यू झाला. ओमेंद्रनं एक दिवस आधीच बरेलीच्या रामपूर्ती वैद्यकीय महाविद्यालयातून एमआरआय डिप्लोमाचं शिक्षण पूर्ण केलं होतं.

बुधवारी दुपारच्या सुमारास मिलक क्षेत्रातील लाडपूरमध्ये ही घटना घडली. आंघोळ करताना ओमेंद्र अचानक किंचाळला. त्यावरुन कुटुंबियांना काहीतरी अघटित घडल्याचा अंदाज आला. त्यानंतर त्यांनी तातडीनं मोटर बंद केली. त्यामुळे पाणी पुरवठा थांबला. यानंतर कुटुंबियांनी लगेचच बाथरुममध्ये धाव घेतली. मात्र तोपर्यंत बराच उशीर झाला होता. ओमेंद्रला विजेचा शॉक बसला होता.
धुमधडाक्यात लग्न, वरात आली; मधुचंद्रासाठी जोडपं खोलीत; सकाळी बिछान्यात आढळले दोघांचे मृतदेह
ओमेंद्रला बरेलीच्या वैद्यकीय महाविद्यालयात दाखल करण्यात आलं. तिथे डॉक्टरांनी त्याला मृत घोषित केलं. कुटुंबियांनी त्याचा मृतदेह घेऊन बुधवारी रात्री गावात परतले. गुरुवारी सकाळी त्याच्यावर अंत्यसंस्कार करण्यात आले. आंघोळ करताना जीव गमावणाऱ्या ओमेंद्रचे वडील जागन सिंह गावचे माजी सरपंच आहेत. जागन यांना तीन मुली असून ओमेंद्र त्यांचा एकुलता एक मुलगा होता.
माझ्या मैत्रिणीला कोणीतरी संपवलंय! महिलेचा PCRला कॉल; पोलीस पोहोचले, महिला बॉडीजवळ बसलेली
एमआयआय डिप्लोमाचा अभ्यास करुन ओमेंद्र गावी परतला होता. आरोग्य क्षेत्रात तंत्रज्ञ म्हणून काम करण्याचा त्याचा मानस होता. मात्र एका दुर्घटनेनं सगळी स्वप्नं हवेत विरली. डॉक्टरांनी ओमेंद्रला मृत घोषित केल्यानंतरही कुटुंबियांचा, नातेवाईकांचा आणि ग्रामस्थांचा त्यांच्यावर विश्वास नव्हता. करंट लागल्यानंतर बेशुद्ध पडलेल्या व्यक्तीला रेतीत काही वेळ गाडल्यानंतर त्याचं शरीर सामान्य होतं असं मानून ग्रामस्थांनी कृती केली. त्यांनी ओमेंद्रचा मृतदेह कित्येक तास रेतीत ठेवला. मात्र त्यानं काहीही उपयोग झाला नाही.