झाकीर नाईकला सौदी अरेबियाचे नागरिकत्व

मटा ऑनलाइन वृत्त । नवी दिल्ली

वादग्रस्त मुस्लिम धर्मप्रचारक झाकीर नाईक याला सौदे अरेबियाने नागरिकत्व दिले आहे. इंटरपोलपासून वाचण्यासाठी नाईकने सौदीकडे नागरिकत्व देण्याची मागणी केली होती. सौदी अरेबियाने ही मागणी मान्य करत नाईकला नागरिकत्व दिले आहे, असं वृत्त 'टाइम्स नाउ' वाहिनीने दिलं आहे.

नाईकची स्वयंसेवी संस्था इस्लामिक रिसर्च फाउंडेशन (IRF) वर सरकरने बंदी घातली आहे. तसंच कोर्टानेही बंदी कायम ठेवली आहे. आयआरएफला बेकायदेशीर घोषित करण्याची ठोस कारणं आहेत. यामुळे देशाच्या सुरक्षेलाही धोका असल्याचं बंदी प्रकरणी अलिकडेच झालेल्या सुनावणीत कोर्टाने म्हटलं आहे.

अटकेपासून वाचण्यासाठी झाकीर नाईक भारतातून सौदी अरेबियात पळाला. नाईकविरोधात NIA ने रेड कॉर्नर नोटीस जारी करण्याची तयारीत केली होती. लवकरच इंटरपोल आणि सीबीआयला या प्रकरणी NIA पत्र देणारं होतं. ही नोटीस जारी झाल्यावर नाईकला जगातल्या कुठल्याही भागातून अटक करता येणार होतं.