पाकच्या गोळीबाराला सणसणीत उत्तर द्या, लष्कर प्रमुखांच्या सूचना

पठाणकोटः लष्कर प्रमुख जनरल एम. एम. नरवणे यांनी सोमवारी जम्मू-पठाणकोट भागाचा दौरा केला. जनरल नरवणे यांनी सीमेवर आघाडीवर तैनात असलेल्या रायझिंग स्टार कॉर्प्सच्या तैनात जवानांची, सुरक्षा व्यवस्था आणि कारवाईच्या तयारी संबंधी माहिती घेतली. लष्कर प्रमुखांनी गुर्ज डिव्हिजनमधील आघाडीवरील भागाचाही दौरा केला.

जीओसी गुर्ज डिव्हिजन मेजर जनरल वाय. पी. खंडुरी यांनी लष्कर प्रमुखांना सुरक्षा व्यवस्था आणि ऑपरेशनल तयारी संबंधी माहिती दिली. पाकिस्तानकडून सीमेवर सतत शस्त्रसंधीचे उल्लंघन होत आहे. पाकिस्तानी सैन्याकडून गोळीबार करण्यात येत आहे. तसंच दहशतवाद्यांच्या घुसखोरीसाठी प्रयत्न केला जात आहे. पाकच्या कुठल्याही कुरापतीला चोख प्रत्युत्तर देण्यात यावं, अशी सूचना लष्कर प्रमुखांनी अधिकाऱ्यांना दिली. तसंच सरकार आणि लष्कराच्या सर्व सुरक्षा यंत्रणा मिळून काम करत आहेत, असंही त्यांनी स्पष्ट केलं.

भारतीय हवाईदलाची शक्ती वाढली; ५ 'अपाचे अटॅक' ताफ्यात दाखल

विरोधकांकडून छुपे युद्ध केले जात आहे. त्यांचे नापाक मनसुबे उधळून लावण्यासाठी एकजुटीने काम करत राहू, असं जनरल नरवणे यांनी स्पष्ट केलं. जम्मू-पठाणकोट भागाच्या दौऱ्यात लष्कर प्रमुख जनरल नरवणे यांनी व्हिडिओ कॉन्फरन्सद्वारे पश्चिम विभागाच्या सर्व रँकच्या अधिकाऱ्यांशी संवाद साधत त्यांचे मनोधैर्य वाढवले.

पाकिस्तानी सैन्याच्या BAT चा हल्ल्याचा कट, LoC वर सुरक्षा दलांना हाय अलर्ट

शत्रूचा कुठलाही हल्ला परतावून लावण्यात आणि परिस्थितीवर तातडीने नियंत्रण मिळवण्यात आपले लष्कर सक्षम आहे. करोना व्हायरस विरोधी लढाईत लष्कराच्या पश्चिम विभागाने केलेल्या प्रयत्नांचे आणि 'ऑपरेशन नमस्ते'चे कौतुक लष्कर प्रमुख जनरल नरवणे यांनी केले.

पंतप्रधानही गुन्हेगारांना आश्रय देतात, या भाजप खासदाराच्या वक्तव्याने वाद

रायझिंग स्टार कॉर्प्सचे जीओसी लेफ्टनंट जनरल उपेंद्र द्विवेदी यांनी ऑपरेशनल तयारी, सुरक्षेसाठीच्या पायाभूत सुविधांचा विकास आणि अंतर्गत सुरक्षेसंबंधीच्या मुद्यांवर लष्कर प्रमुखांना माहिती दिली. जम्मूला पोहोचलेल्या लष्कर प्रमुखांचे लेफ्टनंट जनरल द्विवेदी यांच्यासह मेजर जनरल व्ही. बी. नायर आणि ए. एस. पठानिया यांनी स्वागत केले.