उच्च न्यायालयात आपच्या ‘अपात्रां’ची याचिका

नवी दिल्ली : लाभाचे पद स्वीकारल्यामुळे अपात्र ठरलेल्या आम आदमी पक्षाच्या २० आमदारांनी या निर्णयाविरोधात मंगळवारी दिल्ली उच्च न्यायालयात धाव घेतली. याचिकेवर लवकरात लवकर सुनावणी घ्यावी, अशी विनंती अपात्र आमदारांनी न्यायमूर्ती एस. रवींद्र भट आणि ए. के. चावला यांच्या खंडपीठासमोर केली. खंडपीठाने ती मान्य केली असून, त्यावर आजच, बुधवारी सुनावणी घेतली जाणार आहे.

अपात्र ठरविण्याच्या निर्णयाला स्थगिती द्यावी आणि सरकारने केंद्रशासित प्रदेशाच्या कायद्याअंतर्गत काढलेली अधिसूचना रद्दबातल करावी, अशी विनंती आमदारांनी न्यायालयाला केली आहे.