न्यूयॉर्कः कारच्या धडकेत १ ठार, १३ जखमी

मटा ऑनलाइन वृत्त । न्यूयॉर्क

अमेरिकेतील प्रसिद्ध टाइम्स स्क्वेअरजवळ उभ्या असलेल्या पादचाऱ्यांना एका भरधाव कारने चिरडल्याची घटना घडली आहे. या कारच्या धडकेत एकाचा मृत्यू झाला असून १३ जण जखमी झाले आहेत.

टाइम्स स्क्वेअरजवळ अनेक लोक उभे होते. अचानक त्यांच्या दिशेने भरधाव वेगात कार आली. काही समजण्याच्या आत पादचाऱ्यांना जोरदार धडक बसली. या धडकेत एकाचा मृत्यू झाला असून अन्य १३ जण जखमी झाले आहेत. जखमींवर जवळच्या हॉस्पिटलमध्ये उपचार करण्यात येत आहेत.
1 dead, many injured after speeding vehicle strikes pedestrians in New York's Times Square pic.twitter.com/64AfgBbxrh — TIMES NOW (@TimesNow) May 18, 2017
भरधाव वेगाने कार चालवणाऱ्या व्यक्तीला अमेरिकन पोलिसांनी तात्काळ अटक केली असून त्याला कोठडीत घेतले आहे. तो दारू प्यायला होता की नाही यासाठी त्याची वैद्यकीय तपासणी करण्यात येत आहे.