Mexico Firing : मेक्सिको हादरले, अज्ञाताने अचानक केला अंदाधुंद गोळीबार, १० लोकांचा मृत्यू

मेक्सिको : उत्तर अमेरिकेतील मेक्सिको देशात घडलेल्या मोठ्या घटनेने संपूर्ण देश हादरला आहे. येथील बाजा कॅलिफोर्निया येथे एका शस्त्रधारी अज्ञात व्यक्तीने अंदाधुंद गोळीबार केला. या गोळईबारीत १० लोक ठार झाल्याचे वृत्त आहे. तर ९ लोक जखमी झाल्याचे सांगितले जात आहे. ज्या भागात गोळीबार झाला आहे तो भाग अमली पदार्थांच्या तस्करीसाठी कुप्रसिद्ध आहे.

या घटनेबाबत हाती आलेल्या वृत्तानुसार, मेक्सिकोतील बाजा कॅलिफोर्निया येथे कार शो सुरू होता. यादरम्यान ही गोळीबाराची घटना घडली. या गोळीबारात १० रोड रेसर मारले गेले. एनसेनडा शहरातील सॅन विसेंट क्षेत्रात एका ऑल-टेरेन कार रेसिंग शोदरम्यान हा हल्ला झाल्याची माहिती कॅलिफोर्नियाचे स्टेट अॅटर्नी जनरलच्या कार्यालयाने दिली आहे.

कुंपणानेच शेत खाल्ले! धाराशिवमधील सर्वात मोठ्या बँकेत महाघोटाळा, कोट्यवधींचा अपहार, फसवणूक
रॉयटर्स या वृत्तसंस्थेने हे वृत्त दिले आहे. रॉयटर्सने दिलेल्या वृत्तानुसार, मोठ्या बंदुका हातात घेऊन काही लोक एका राखाडी रंगाच्या कारमधून बाहेर आले आणि स्थानिक वेळेनुसार २ वाजून १८ मिनिटांच्या सुमारास त्यांनी गोळीबार सुरू केला. या घटनेनतर तत्काळ पोलीस, अग्निशमन दलाचे जवान, मॅक्सिकोतील रेड क्रॉस आणि इतर संस्थाचे प्रतिनिधी घटनास्थळी दाखल झाले.

दुर्दैवी! घरातील कार्यक्रमासाठी कपडे खरेदी करायचे होते, कुटुंब मुलांसह निघाले, मात्र घडले धक्कादायक
मेयर अरमांडो अयाला रॉबल्स ने सांगितले की राज्याचे अटॉर्नी जनरल रिकार्डो इवान कार्पियो सकोर्ज यांनी गोळीबाराच्या तपासणीसाठी एक विशेष पथकाची स्थापना केली आहे अशी माहिती महापौर अरमांडो अयाला यांनी सांगितले. या हल्ल्यात मृत्युमुखी पडलेल्यांची ओळख पटलेली नाही. मेक्सिको रेड क्रॉसने जखमींना कॅलिफोर्निया रुग्णालयात दाखल केले आहे.

2000 Rs Note :पंतप्रधान मोदींना आवडत नाहीत २००० च्या नोटा,... पण का?; नृपेंद्र मिश्रांनी सांगितली अंदर की बात
मेक्सिकोत याच आठवड्यात या पूर्वी गोळीबार झाला होता. या हल्ल्यात ३ लोक ठार झाले, तर २ लोक जखमी झाले होते. यात पोलिसांचाही समावेश होता. हा हल्ला १५ मे रोजी फार्मिंगटन शहरात सकाळी ११ वाजण्याच्या सुमारास झाला होता.