अरेच्चा! विवस्त्र होऊन २०० कैदी फरार; सैन्य पाहातच बसले!

कंपाला: आफ्रिका खंडातील देश युगांडामध्ये तुरुंगातून फरार होण्याची एक धक्कादायक घटना समोर आली आहे. युगांडामध्ये २०० कैद्यांनी विवस्त्र होऊन तुरुंगातून पळ काढला. या कैद्यांनी आधी तुरुंगाच्या सुरक्षा कर्मचार्‍यांना ताब्यात ठेवले आणि नंतर स्वत:चे कपडे काढून पळ काढला असल्याचे सांगण्यात येत आहे.

बुधवारी ही घटना घडली. कैद्यांना तुरुंगात पिवळे कपडे घातले जातात आणि या कपड्यांमुळे सैन्य त्यांना सहज पकडेल याची त्यांना भीती होती. त्यामुळेच त्यांनी विवस्त्र होऊन पळ काढला. युगांडाच्या पूर्व भागातील राज्यात ही घटना घडली. सुरक्षा दलाचे जवान या कैद्यांचा शोध घेत आहेत. तुरुंगातून पळालेले कैदी जंगलात पळून गेले असल्याचे म्हटले जात आहे. तुरुंगातून फरार होत असताना कैदी आणि सुरक्षा दलाच्या जवानांमध्ये गोळीबार झाला. यामध्ये एका सैनिकासह दोन कैदी ठार झाले.

वाचा: अरेरे! पाळीव श्वानाने १२ दिवसाच्या बालकाचे घेतले प्राण

मोरोटो जिल्ह्यातील सैन्याच्या छावणीजवळ हा तुरुंग आहे. लष्कराच्या प्रवक्त्यांनी सांगितले की, कैद्यांनी तैनात असलेल्या वॉर्डनला ताब्यात घेतले. या तुरुंगातील कैदी हे कुख्यात अपराधी असून पशूंच्या चोरी प्रकरणात त्यांना तुरुंगात ठेवण्यात आले होते. आपली ओळख पटवता येऊ नये यासाठी कैद्यानी आपले कपडे काढले. तुरुंगातून पळून गेलेल्या कैद्यांना अटक करण्याचे प्रयत्न सुरू असून शोध मोहीम सुरू करण्यात आली आहे. या फरार कैद्यांकडून एखाद्या कपड्यांच्या दुकानांवर हल्ला करण्यात येऊ शकतो अशा इशाराही लष्कराच्या प्रवक्त्यांनी दिला आहे.

आणखी वाचा:
अजबच! नाकावरील मुरूम हाताने फोडले आणि मेंदूत झाला संसर्ग
कमोडवर नैसर्गिक विधीसाठी बसला पण सापाने गुप्तांगावर चावा घेतला!