अ‍ॅपशहर

सौदी अरेबिया: अपघातात ३५ परदेशी नागरिकांचा मृत्यू

सौदी अरेबियात बस अपघातात ३५ परदेशी नागरिकांचा मृत्यू झाल्याची घटना घडली आहे. खोदकाम करणाऱ्या मोठ्या यंत्राला बसची टक्कल झाल्यानं ही दुर्घटना घडली आहे.

महाराष्ट्र टाइम्स.कॉम 17 Oct 2019, 9:03 am
रियाद: सौदी अरेबियात बस अपघातात ३५ परदेशी नागरिकांचा मृत्यू झाल्याची घटना घडली आहे. रस्त्याचं खोदकाम करणाऱ्या मोठ्या यंत्राला बस धडकल्यानं ही दुर्घटना घडली आहे.
महाराष्ट्र टाइम्स.कॉम 35 foreigners dead as bus crashes with excavator in saudi arabia
सौदी अरेबिया: अपघातात ३५ परदेशी नागरिकांचा मृत्यू


मदीनाहून १७० किमी अंतरावर हिजरा रोडवर अल-अखल गावाजवळ बुधवारी सायंकाळी सात वाजण्याच्या सुमारास हा अपघात घडला. या खासगी बसमध्ये एकूण ३९ प्रवासी होते. जखमी प्रवाशांना जवळील अल-हमना या हॉस्पिटलमध्ये दाखल करण्यात आलं असून बस मधील अधिक प्रवासी हे परदेशी नागरिक असल्याची माहिती आहे.

रस्त्याचं काम सुरू असताना खोदकाम करणाऱ्या यंत्राला बस धडकली. बसचा वेग जास्त असल्यानं काही क्षणातच बसने पेट घेतला. स्थानिक पोलिस प्रशासनाकडून घटनास्थळी मदतकार्य सुरू असून या अपघाताची सखोल चौकशी करण्यात येणार असल्याचं प्रशासनाकडून सांगण्यात आलं आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज