तैवान: १३ मजली इमारतीला भीषण आग, ४६ ठार, अनेक जखमी

तैपेई: दक्षिण तैवानमध्ये १३ मजली इमारतीला भीषण आग लागली. या आगीत ४६ जणांचा मृत्यू झाला आहे. तर, अनेक जण जखमी झाल्याचे वृत्त आहे. गुरुवारी, स्थानिक वेळ पहाटे अडीच वाजण्याच्या सुमारास आग लागली. काउशुंग शहरात ही घटना घडली. आगीची माहिती समजताच मदत आणि बचाव कार्य सुरू करण्यात आले. अग्निशमन दलाच्या जवानांना आगीवर नियंत्रण मिळवण्यासाठी मोठे प्रयत्न करावे लागले.

आगीची माहिती मिळताच अग्निशमन दलाचे जवान घटनास्थळी दाखल झाले. आगीची भीषणता पाहता मदत आणि बचाव कार्यासाठी जवळ ३५० अधिक जवानांची मदत घेतली गेली. या आगीमध्ये जवळपास ४१ जण जखमी झाले असल्याची माहिती अधिकाऱ्यांनी दिली.

धनुष्य बाणाने केलेल्या हल्ल्यात पाच जण ठार; नॉर्वेतील धक्कादायक घटना

आगीचे नेमकं कारण अद्याप स्पष्ट झाले नाही. प्रत्यक्षदर्शींनी स्थानिक माध्यमांना दिलेल्या माहितीनुसार, पहाटे अडीच ते तीन वाजण्याच्या सुमारास एका स्फोटाचा आवाज ऐकू आला. अधिकाऱ्यांनी दिलेल्या माहितानुसार, ही इमारत ४० वर्ष जुनी होती. इमारतीच्या तळमजल्यावर दुकाने आणि वरील मजल्यावर अपार्टमेंट होते.

Video: धक्कादायक! घरांवर विमान कोसळले, दोन ठार

नेपाळ: प्रवासी बस नदीत कोसळली; २८ जणांचा मृत्यू
घटनास्थळी अग्निशमन दलाचे १३९ बंब, रुग्णवाहिका दाखल झाल्या होत्या. वय वर्षे आठ ते ८३ या वयोगटातील नागरिकांची सुखरूप सुटका करण्यात आली. या इमारतीमध्ये ज्येष्ठ नागरिकांसह काही दिव्यांग रहिवासीदेखील या इमारतीत वास्तव्यास आहेत.