अमेरिकी कुबेरांच्या यादीत भारतीयांचा डंका

मटा ऑनलाइन वृत्त। न्यूयॉर्क

फोर्ब्स मासिकाने नुकत्याच प्रसिद्ध केलेल्या अमेरिकेतील सर्वात धनवान व्यक्तीच्या यादीत पाच भारतीय वंशांच्या धनवंतांचा समावेश आहे. या यादीत एकूण ४०० धनवान व्यक्तींना स्थान देण्यात आले आहे.

मायक्रोसॉफ्टचे सहसंस्थापक बिल गेट्स या यादीत सर्वात वरच्या स्थानावर विराजमान झाले आहेत.

फोर्ब्स मासिकाच्या 'अमेरिकेतील सर्वात धनवान व्यक्तींची यादी-२०१६'मध्ये सिंफनी टेक्नॉलॉजीचे संस्थापक रमेश वाधवानी, आउटोसोर्सिंग फर्म सिनटेलचे सहसंस्थापक भरत नीरज देसाई, हवाई वाहतूक क्षेत्रातील राकेश गंगवाल, उद्योजक जॉन कपूर आणि सिलिकॉन व्हॅलीतील गुंतवणूकदार कवितर्क राम श्रीराम यांचा समावेश आहे.

वाधवानी या यादीत २२२ व्या स्थानावर आहेत. त्यांची संपत्ती तीन अरब डॉलर असल्याचे जाहीर करण्यात आले आहे.

याबरोबर २.५ अरब डॉलर संपत्तीसह देसाई २७४ व्या स्थानी, २.२ अरब डॉलर संपत्तीसह गंगवाल ३२१ व्या स्थानी, २.१ अरब डॉलर संपत्तीसह कपूर ३३५ व्या स्थानी, तर १.९ अरब डॉलर संपत्तीसह श्रीराम हे ३६१ व्या स्थानी विराजमान झाले आहेत.