बांगलादेशात पाच जणांना फाशी

ढाका :

बांगलादेश मुक्ती संग्रामात पाकिस्तानला मदत करणाऱ्या आणि मानवतेला काळीमा फासणाऱ्या पाच कडव्या इस्लामवादी नेत्यांना बांगलादेशच्या विशेष लवादाने सोमवारी फाशीची शिक्षा सुनावली.

१९७१च्या मुक्ती संग्रामात या पाच जणांनी पटुखली येथील इताबारिया गावात १५ महिलांवर बलात्कार केला होता. तसेच याच गावांत हिंसाचार करीत १७ लोकांना ठार मारले होते. या गुन्ह्याबद्दल या पाच जणांना फाशीची शिक्षा सुनावण्यात आली. महंमद इसहाक शिकदर, अब्दुल गनी उर्फ गनी हवालदार, महंमद अवल, महंमद ए सत्तार पाडा आणि सुलेमान मृधा अशी या पाच जणांची नावे आहेत.