‘मनकवडी’ टोपी

वॉशिंग्टन : मनामध्ये येणारे विचार आणि त्यांची प्रक्रिया समजून घेताना शास्त्रज्ञांनी आतापर्यंत हात टेकले आहेत. मात्र, मेंदूतून निर्माण होणाऱ्या तरंगांच्या आधारावर विचार ओळखणारी टोपी विकसित केल्याचा दावा शास्त्रज्ञांनी केला आहे.

मेरी लोऊ जेपसेन असे या शास्त्रज्ञाचे नाव असून, त्यांनी ‘ओपनवॉटर’ ही कंपनी सुरू केली आहे. गेल्या आठ वर्षांपासून त्या या संकल्पनेवर काम करत होत्या. या टोपीमध्ये ‘मॅग्नेटिक रेझोनान्स इमेजिंग’चा (एमआरआय) वापर करण्यात आला आहे. ‘एमआरआय’च्या तत्त्वावरच ही टोपीही काम करते. हॉस्पिटलमधील ‘एमआरआय’ या तंत्रज्ञानातून शरीरातील अवयवांच्या प्रतिमा तयार करते. मेंदूतून निर्माण होणारे तरंग वाचून, विचार ओळखता येणार आहेत. यातून स्वत:च्या डोक्यातील प्रक्रिया समजून घेतानाच, समोरच्या व्यक्तीच्या डोक्यातील विचारही समजू शकतील, असा जेपसेन यांचा दावा आहे.