याला म्हणतात नशीब फळफळणं! एका झटक्यात झाला मालामाल, जिंकलेली रक्कम पाहून चुकेल काळजाचा ठोका

वॉशिंग्टन (अमेरिका) : एका लॉटरी तिकिटाने एका व्यक्तीचे एका झटक्यात रातोरात नशीब बदलून गेले आहे. याच तिकिटामुळे ही व्यक्ती रातोरात मालामाल झाली आहे. या व्यक्तीने ६,२४३ कोटी रुपयांहून अधिक रक्कम जिंकली आहे. या व्यक्तीची ओळख मात्र उघड करण्यात आलेली नाही. वॉशिंग्टन येथे राहणाऱ्या या भाग्यशाली विजेत्याने आतापर्यंतची पाचवी सर्वात मोठी रक्कम आपल्या खिशात घातली आहे. विशेष सांगायचे म्हणजे अमेरिकेच्या लॉटरी जॅकपॉट इतिहासातील ही नववी सर्वात मोठी रक्कम ठरली आहे. पॉवरबॉल जॅकपॉटच्या इतिहासात सर्वात मोठी रक्कम १६,८८० कोटी रुपयांची आहे. ही रक्कम ७ नोव्हेंबर २०२२ रोजी कॅलिफोर्निया येथील एका व्यक्तीने जिंकली होती.

जर एखाद्या व्यक्तीने एका वेळेला लॉटरीची इनामी रक्कमेचा पर्याय निवडला तर त्याला ३,३६९ कोटी रुपये मिळतील. म्हणजेच एका वेळेला त्याला इतकी रक्कम दिली जाईल. मात्र, त्याला अनेक वर्षांपर्यंत हफ्त्याने रक्कम मिळण्याचा पर्याय निवडला तर त्याला ६ हजार २४३ कोटी रुपये मिळतील, असे एसीबी न्यूजने आपल्या वृत्तात म्हटले आहे.

पॉवरबॉल जॅकपॉट लॉटरीची ही सोडत यावर्षी पहिली सोडत आहे. या पू्र्वी १९ नोव्हेंबर २०२२ रोजी लॉटरी जॅकपॉटची विनिंग रक्कम ७६८ कोटी रुपये इतकी होती.

क्लिक करा आणि वाचा- मला तुझ्या चटईवर झोपायला दे ना...; डोळाही मारायचा, विद्यार्थिनींशी अश्लील चाळे करणाऱ्या शिक्षकाला ठोकल्या बेड्या

हे लोक झाले होते मालामाल

पॉवरबॉल जॅकपॉटअंतर्गत विजेता नंबर ५, ११, २२, २३, ६९ आणि ७ हे होते. यांपैकी दोन तिकिटे मिशीगन आणि न्यूयॉर्कला विकले गेले. ज्या व्यक्तीचे नंबर या पाचही क्रमांकाच्या व्हाइट बॉलशी जुळले अशा व्यक्तीला ८ कोटी रुपयांची इनामी रक्कम मिळेल. एक तिकीट टेक्सासमध्ये 'पॉवर प्ले ऑप्शन'अंतर्गत विकण्यात आले. या इनामी रक्कम होती १६ कोटी रुपये.

या व्यतिरिक्त ५८ अशी तिकिटे होती, जी तिकिटे विकत घेणाऱ्या लोकांना ४० लाख रुपयांहून अधिक रक्कम मिळाली आहे. तर १६ लॉटरी तिकीटधारकांना ८० लाख रुपयांहून अधिकची रक्कम मिळाली आहे.

क्लिक करा आणि वाचा- गुड न्यूज! या सरकारी योजनेत फक्त एकदाच करा गुंतवणूक, तुम्हाला दरमहा मिळतील ९००० रुपये

पॉवरबॉल जॅकपॉटअंतर्गत हे लोकही झाले मालामाल

५ जानेवारी २०२२ रोजी दोन लोकांनी ५२३५ कोटी रुपयांची जॅकपॉट रक्कम जिंकली होती. ही रक्कम कॅलिफोर्निया आणि विस्कॉनिसनच्या दोन व्यक्तींमध्ये वाटली गेली.
१४ फेब्रुवारी २०२२ रोजी १,५३३ कोटी रुपयांची जॅकपॉटची रक्कम अमेरिकेतील कनेटिकट येथे जिंकली गेली.
२७ एप्रिल २०२२ रोजी एरिजोना येथे राहणाऱ्या एका व्यक्तीने ३९०० कोटी रुपयांहून अधिक जॅकपॉट रक्कम जिंकली.
२९ जून २०२२ रोजी वर्मोट येथील एका व्यक्तीने ३००० कोटी रुपयांची जॅकपॉट रक्कम जिंकली.
३ ऑगस्ट २०२२ रोजी पेन्सिलव्हेनिया येथील एका व्यक्तीने १७०० कोटी रुपयांहून अधिक रकमेचा जॅकपॉट जिंकला.

क्लिक करा आणि वाचा- मोठी बातमी! आता विवाहित मुलींनाही मिळणार अनुकंपा तत्त्वावर नोकरी, सरकारने प्रथमच उचलले पाऊल