वृत्तसंस्था, वॉशिंग्टन
सहा मुस्लिम देशांतून येणाऱ्या प्रवाशांना बंदी घालण्याच्या अमेरिकेचे अध्यक्ष डोनाल्ड ट्रम्प यांच्या आदेशातील अनेक अडसर दूर झाल्यानंतर या आदेशाची स्थानिक वेळेनुसार गुरुवारी सायंकाळपासून अंमलबजावणी झाली. पूर्वीच्या आदेशामध्ये अनेक बदल करण्यात आल्यामुळे किरकोळ निदर्शने वगळता या प्रवेशबंदीबाबात तितकासा विरोध होत नसल्याचे समोर आले आहे.
अनेक वाद-विवादांनंतर अंमलात आलेल्या प्रवेशबंदीला जोरदार विरोध होण्याची चिन्हे होती. त्यामुळे विमानतळांवर कडक सुरक्षाव्यवस्था ठेवण्यात आली होती; परंतु कोणताही अनुचित प्रकार समोर आला नाही. विमानतळांसह काही ठिकाणी फलक दाखवून विरोध दर्शवण्यात आला, तर लॉस एन्जेल्समध्ये ट्रम्प यांच्यावर फॅसिस्ट म्हणून टीका करणारे फलक दाखवण्यात आले.
प्रवाशांना परत पाठवले
बंदी घालण्यात आलेल्या देशांमधून आलेल्या प्रवाशांना विमानतळांवर ताब्यात घेऊन त्यांची बराच वेळ चौकशी केली जात होती. यातील काही प्रवाशांना तर पुन्हा त्यांच्या देशात परत पाठवण्यात आल्याचे सूत्रांनी सांगितले. दरम्यान, प्रवेशबंदीच्या पार्श्वभूमीवर अमेरिकेत येणाऱ्यांना कायदेविषयक मदत देण्यासाठी वकील आणि मानवी हक्क कार्यकर्ते देशाच्या प्रमुख विमानतळांवर उपस्थित होते.
रोलिंग यांची टीका
महिला सूत्रसंचालिका मिका ब्रझेझिंस्की हिला अपमानित केल्याप्रकरणी ‘हॅरी पॉटर’फेम लेखिका जे. के. रोलिंग यांनी ट्रम्प यांच्यावर ट्विटरद्वारे टीका केली आहे. यासाठी ‘पुरुषाच्या व्यक्तिमत्त्वाची चाचणी घ्यावयाची असल्यास त्याच्या हती सत्ता द्या’, या अब्राहम लिंकन यांच्या वाक्याचा संदर्भ त्यांनी आपल्या ट्विटमध्ये दिला आहे.
सहा मुस्लिम देशांतून येणाऱ्या प्रवाशांना बंदी घालण्याच्या अमेरिकेचे अध्यक्ष डोनाल्ड ट्रम्प यांच्या आदेशातील अनेक अडसर दूर झाल्यानंतर या आदेशाची स्थानिक वेळेनुसार गुरुवारी सायंकाळपासून अंमलबजावणी झाली. पूर्वीच्या आदेशामध्ये अनेक बदल करण्यात आल्यामुळे किरकोळ निदर्शने वगळता या प्रवेशबंदीबाबात तितकासा विरोध होत नसल्याचे समोर आले आहे.
अनेक वाद-विवादांनंतर अंमलात आलेल्या प्रवेशबंदीला जोरदार विरोध होण्याची चिन्हे होती. त्यामुळे विमानतळांवर कडक सुरक्षाव्यवस्था ठेवण्यात आली होती; परंतु कोणताही अनुचित प्रकार समोर आला नाही. विमानतळांसह काही ठिकाणी फलक दाखवून विरोध दर्शवण्यात आला, तर लॉस एन्जेल्समध्ये ट्रम्प यांच्यावर फॅसिस्ट म्हणून टीका करणारे फलक दाखवण्यात आले.
प्रवाशांना परत पाठवले
बंदी घालण्यात आलेल्या देशांमधून आलेल्या प्रवाशांना विमानतळांवर ताब्यात घेऊन त्यांची बराच वेळ चौकशी केली जात होती. यातील काही प्रवाशांना तर पुन्हा त्यांच्या देशात परत पाठवण्यात आल्याचे सूत्रांनी सांगितले. दरम्यान, प्रवेशबंदीच्या पार्श्वभूमीवर अमेरिकेत येणाऱ्यांना कायदेविषयक मदत देण्यासाठी वकील आणि मानवी हक्क कार्यकर्ते देशाच्या प्रमुख विमानतळांवर उपस्थित होते.
रोलिंग यांची टीका
महिला सूत्रसंचालिका मिका ब्रझेझिंस्की हिला अपमानित केल्याप्रकरणी ‘हॅरी पॉटर’फेम लेखिका जे. के. रोलिंग यांनी ट्रम्प यांच्यावर ट्विटरद्वारे टीका केली आहे. यासाठी ‘पुरुषाच्या व्यक्तिमत्त्वाची चाचणी घ्यावयाची असल्यास त्याच्या हती सत्ता द्या’, या अब्राहम लिंकन यांच्या वाक्याचा संदर्भ त्यांनी आपल्या ट्विटमध्ये दिला आहे.