मटा ऑनलाइन वृत्त । वॉशिंग्टन
अमेरिकेचे राष्ट्राध्यक्ष डोनाल्ड ट्रम्प यांच्या नेतृत्त्वावर सर्व स्तरातून टीका होत असतानाच हॉलिवूड अभिनेता, गीतकार आणि नाटककार लिन मॅन्यूअल मिरांडा यांनीही ट्रम्प यांच्यावर निशाना साधला आहे. देशात वादळ आलेले असताना गोल्फ खेळणारे डोनाल्ड ट्रम्प थेट नरकात जात आहेत, अशी टीकाच मिरांडा यांनी केली आहे.
सीएनएनने हे वृत्त दिले आहे. अमेरिकेत वादळ आल्यावरही ट्रम्प यांनी जो सुस्तपणा दाखवला त्यामुळे मिरांडा प्रचंड नाराज असून त्यांनी आपल्या टि्वटमधून ट्रम्प यांच्या कारभाराची लक्तरे वेशीवर टांगली आहेत. डोनाल्ड ट्रम्प तुम्ही थेट नरकात जात आहात. तुमच्यासाठी तिथे मोठी रांग नाहीये. नरकात गेल्यावर तुम्ही रस्ता चुकलात तर लोक स्वत:हून तुमच्यासाठी वाट मोकळी करून देतील आणि म्हणतील या बाजूने जा, अशी जळजळीत टीका मिरांडा यांनी केली आहे. वादळ आलेले असताना महापौर कारमेन युलिन क्रुझ २४ तास काम करत होत्या आणि तुम्ही गोल्फ खेळत होतात. तुम्ही तर थेट नरकातच जाल, असा संतापही त्याने व्यक्त केला आहे.
ट्रम्प यांनी महापौर कारमेन यांच्यासह काही अधिकाऱ्यांवर दोन आठवड्यापूर्वी अमेरिकेत आलेल्या वादळाचा सामना करण्यात आणि नियोजनात कसूर केल्याचा ठपका ठेवला होता. तसं टि्वटही ट्रम्प यांनी केलं होतं. तुम्ही आता कौतूक करण्यास पात्र राहिला नाहीत, असं ट्रम्प यांनी या टि्वटमध्ये म्हटलं होतं. जनरेटर, डायलिसिस मशीन काम करत नसताना आणि ऑक्सिजन उपलब्ध नसतानाही कारमेन यांनी २४ तास काम करत परिस्थिती नियंत्रणात आणूनही ट्रम्प यांनी त्यांनी दोष दिल्याने मिरांडा अधिक भडकल्याचं या वृत्तात म्हटलं आहे.
अमेरिकेचे राष्ट्राध्यक्ष डोनाल्ड ट्रम्प यांच्या नेतृत्त्वावर सर्व स्तरातून टीका होत असतानाच हॉलिवूड अभिनेता, गीतकार आणि नाटककार लिन मॅन्यूअल मिरांडा यांनीही ट्रम्प यांच्यावर निशाना साधला आहे. देशात वादळ आलेले असताना गोल्फ खेळणारे डोनाल्ड ट्रम्प थेट नरकात जात आहेत, अशी टीकाच मिरांडा यांनी केली आहे.
सीएनएनने हे वृत्त दिले आहे. अमेरिकेत वादळ आल्यावरही ट्रम्प यांनी जो सुस्तपणा दाखवला त्यामुळे मिरांडा प्रचंड नाराज असून त्यांनी आपल्या टि्वटमधून ट्रम्प यांच्या कारभाराची लक्तरे वेशीवर टांगली आहेत. डोनाल्ड ट्रम्प तुम्ही थेट नरकात जात आहात. तुमच्यासाठी तिथे मोठी रांग नाहीये. नरकात गेल्यावर तुम्ही रस्ता चुकलात तर लोक स्वत:हून तुमच्यासाठी वाट मोकळी करून देतील आणि म्हणतील या बाजूने जा, अशी जळजळीत टीका मिरांडा यांनी केली आहे. वादळ आलेले असताना महापौर कारमेन युलिन क्रुझ २४ तास काम करत होत्या आणि तुम्ही गोल्फ खेळत होतात. तुम्ही तर थेट नरकातच जाल, असा संतापही त्याने व्यक्त केला आहे.
ट्रम्प यांनी महापौर कारमेन यांच्यासह काही अधिकाऱ्यांवर दोन आठवड्यापूर्वी अमेरिकेत आलेल्या वादळाचा सामना करण्यात आणि नियोजनात कसूर केल्याचा ठपका ठेवला होता. तसं टि्वटही ट्रम्प यांनी केलं होतं. तुम्ही आता कौतूक करण्यास पात्र राहिला नाहीत, असं ट्रम्प यांनी या टि्वटमध्ये म्हटलं होतं. जनरेटर, डायलिसिस मशीन काम करत नसताना आणि ऑक्सिजन उपलब्ध नसतानाही कारमेन यांनी २४ तास काम करत परिस्थिती नियंत्रणात आणूनही ट्रम्प यांनी त्यांनी दोष दिल्याने मिरांडा अधिक भडकल्याचं या वृत्तात म्हटलं आहे.