ख्राइस्टचर्च:
ख्राइस्टचर्च शहरात काल एका माथेफिरू हल्लेखोराने अल नूर आणि लिन वूड मशिदींवर बेछूट गोळीबार केला. या गोळीबारात ४९ लोक ठार झाले. हा आकडा अधिक वाढला असता पण एका अज्ञात तरुणाच्या धैर्यामुळे लिनवूड मशिदीतील शेकडो भाविकांचे प्राण वाचले.
शुक्रवारी सकाळी ब्रेन टॅरेन्ट या हल्लेखोराने अल नूर मशिदीत बेछूट गोळीबार सुरू केला. काळ्या रंगाचे चिलखत आणि डोक्यावर हेल्मेट घालून तो मशिदीत शिरला. अल नूर मशिदीमध्ये ४१ लोकांचा बळी त्याने घेतला. तोपर्यंत सुरक्षा यंत्रणा मशिदीत दाखल झाली. यामुळे त्याने त्याचा मोर्चा जवळच्या लिनवूड मशिदीत हलवला. लिनवूड मशिदीतही त्याने त्याचप्रमाणे गोळीबार सुरू केला. हा हल्लेखोर महिलांना आणि लहान मुलांनाही दया दाखवत नव्हता. समोरचा माणूस मरत नाही तोपर्यंत तो गोळीबार करत होता. लिनवूड मशिदीत गोळीबार करत असताना एक तरुण त्याच्यामागे दबा धरून बसला होता. संधी मिळताच हल्लेखोराच्या अंगावर त्याने उडी मारली आणि त्याची बंदूक हिसकावली. त्या बंदुकीचे ट्रिगर शोधण्याचा प्रयत्न तो करू लागला. यामुळे हल्लेखोर घाबरला आणि कारमध्ये बसून पळून गेला.'तो मुलगा खूप कमीवेळा मशिदीत येत असे. पण त्याच्या धाडसामुळे लिनवूड मशिदीतील शेकडो लोकांचे प्राण वाचले' अशी माहिती एका प्रत्यक्षदर्शीने दिली आहे. काही वेळातच त्या हल्लेखोराला अटक करण्यात आली. लिनवूड मशिदीत सात जण जागीच ठार झाली.
या अज्ञात युवकाशिवाय अनेक स्थानिकांनी जखमींना रुग्णालयांमध्ये पोहोचवले. काही भाविकांनी मशिदींच्या बाथरुममध्ये लपून पोलिसांना फोन केला आणि घटनास्थळाची इतंभूत माहिती दिली. दरम्यान आरोपी आणि त्याच्या ४ सहकाऱ्यांना अटक करण्यात आली असून पुढील कार्यवाही सुरू आहे.
ख्राइस्टचर्च शहरात काल एका माथेफिरू हल्लेखोराने अल नूर आणि लिन वूड मशिदींवर बेछूट गोळीबार केला. या गोळीबारात ४९ लोक ठार झाले. हा आकडा अधिक वाढला असता पण एका अज्ञात तरुणाच्या धैर्यामुळे लिनवूड मशिदीतील शेकडो भाविकांचे प्राण वाचले.
शुक्रवारी सकाळी ब्रेन टॅरेन्ट या हल्लेखोराने अल नूर मशिदीत बेछूट गोळीबार सुरू केला. काळ्या रंगाचे चिलखत आणि डोक्यावर हेल्मेट घालून तो मशिदीत शिरला. अल नूर मशिदीमध्ये ४१ लोकांचा बळी त्याने घेतला. तोपर्यंत सुरक्षा यंत्रणा मशिदीत दाखल झाली. यामुळे त्याने त्याचा मोर्चा जवळच्या लिनवूड मशिदीत हलवला. लिनवूड मशिदीतही त्याने त्याचप्रमाणे गोळीबार सुरू केला. हा हल्लेखोर महिलांना आणि लहान मुलांनाही दया दाखवत नव्हता. समोरचा माणूस मरत नाही तोपर्यंत तो गोळीबार करत होता. लिनवूड मशिदीत गोळीबार करत असताना एक तरुण त्याच्यामागे दबा धरून बसला होता. संधी मिळताच हल्लेखोराच्या अंगावर त्याने उडी मारली आणि त्याची बंदूक हिसकावली. त्या बंदुकीचे ट्रिगर शोधण्याचा प्रयत्न तो करू लागला. यामुळे हल्लेखोर घाबरला आणि कारमध्ये बसून पळून गेला.'तो मुलगा खूप कमीवेळा मशिदीत येत असे. पण त्याच्या धाडसामुळे लिनवूड मशिदीतील शेकडो लोकांचे प्राण वाचले' अशी माहिती एका प्रत्यक्षदर्शीने दिली आहे. काही वेळातच त्या हल्लेखोराला अटक करण्यात आली. लिनवूड मशिदीत सात जण जागीच ठार झाली.
या अज्ञात युवकाशिवाय अनेक स्थानिकांनी जखमींना रुग्णालयांमध्ये पोहोचवले. काही भाविकांनी मशिदींच्या बाथरुममध्ये लपून पोलिसांना फोन केला आणि घटनास्थळाची इतंभूत माहिती दिली. दरम्यान आरोपी आणि त्याच्या ४ सहकाऱ्यांना अटक करण्यात आली असून पुढील कार्यवाही सुरू आहे.