इंडोनेशियाः भूकंपामुळे २६ जण ठार

मटा ऑनलाइन वृत्त । इंडोनेशिया

येथील सुमात्रा बेटावर बांदा येथे आज पहाटे भूकंप होऊन अनेक इमारती कोसळल्या. आतापर्यंत २६ जण ठार झाले असून शेकडो जखमी आहेत. रिश्टर स्केलवर या भूकंपाची तीव्रता ६.५ होती.

या भागातली लोकवस्ती मुस्लीम आहे. सकाळी लोक प्रार्थना करत असताना हा भूकंप झाला. मशीदी, दुकाने या भूकंपात जमीनदोस्त झाली. आतापर्यंत त्सुनामीचा कोणताही इशारा देण्यात आलेला नाही.

या परिसरातले एकमेव रुग्णालय जखमींनी ओसंडून वाहत आहे, अशी माहिती स्थानिक आपत्कालीन संस्थेचे प्रमुश पुतेह मुनाफ यांनी AFP ला दिली. लोकांना ढिगाऱ्यांखालून बाहेर काढण्याचे काम सुरू आहे.