\Bबर्लिन : \Bजर्मनीतील चेमनित्ज शहरातील 'शैलोम' या ज्यू रेस्टॉरंटवर डझनभर नवनाझी हल्लेखोरांनी बाटल्या आणि दगड फेकत हल्ला केला. यामध्ये रेस्टॉरंटचा मालक जखमी झाला आहे. ज्यू विरोधातील राजकारणामुळे हा हल्ला झाल्याचा संशय असल्याचे गृह मंत्रालयाच्या प्रवक्त्याने शनिवारी सांगितले. जर्मनीत आलेल्या निर्वासितांनी एका जर्मन नागरिकाची हत्या केल्यानंतर चेमनित्ज शहरामध्ये हिंसक घटना वाढल्या आहेत. येथील डाई वेल्ट आणि फ्रेई प्रेस वृत्तपत्राला पोलिसांनी दिलेल्या माहितीनुसार, २७ ऑगस्टला तोंड झाकून आलेल्या डझनभर हल्लेखोरांनी रेस्टॉरंटवर काचेच्या बाटल्या, पाइप आणि दगड फेकले. यामध्ये रेस्टॉरंटचे मालक उवे जिउबल्ला हे जखमी झाले असून त्यांच्या खांद्याला इजा झाली आहे. 'शैलोम' रेस्टॉरंट सन २००० मध्ये सुरू झाले असून गेल्या १८ वर्षांत रेस्टॉरंटवर अनेकदा हल्ले झाले आहेत.
ज्यू रेस्टॉरंटवर हल्ला
\Bजर्मनीतील चेमनित्ज शहरातील 'शैलोम' या ज्यू रेस्टॉरंटवर डझनभर नवनाझी हल्लेखोरांनी बाटल्या आणि दगड फेकत हल्ला केला...
Maharashtra Times 9 Sep 2018, 4:00 am