सागरी सीमेचा वाद; भारताविरोधात बांगलादेशची संयुक्त राष्ट्र संघात धाव!

ढाका: भारताचा शेजारी देश बांगलादेशने भारताविरोधात संयुक्त राष्ट्र संघात धाव घेतली आहे. बंगालच्या उपसागरात सागरी सीमेबाबत भारतासोबत सुरू असलेल्या वादाच्या पार्श्वभूमीवर बांगलादेशने संयुक्त राष्ट्रात धाव घेतली आहे. संयुक्त राष्ट्र संघात बांगलादेशने भारताविरोधात संयुक्त राष्ट्र महासचिवांसमोर दोन अपील दाखल केले आहेत.

बांगलादेशने बंगालच्या उपसागरात भारताच्या दाव्याला विरोध केला आहे. तुर्की वृत्तसंस्था अनाडोलूने सूत्रांच्या हवाल्याने हे वृत्त दिले आहे. बांगलादेशचे माजी परराष्ट्र सचिव शहीदुल हक यांनी सांगितले की, दोन्ही शेजारी देशांदरम्यान सागरी सीमेचा वाद सुरू आहे. आतापर्यंत दोन्ही देशांमध्ये अनेक चर्चा झाल्यात. मात्र, हा वाद अद्यापही कायम आहे.

काबूलमध्ये ड्रोन हल्ला करणे ही आमची घोडचूक; अमेरिकन अधिकाऱ्याची कबुली
हक यांनी म्हटले की, दोन्ही देश आता संयुक्त राष्ट्र संघात गेले आहेत. जगातील सर्वात मोठ्या मंचावरून हा वाद सोडवला जाईल अशी अपेक्षा आहे. बांगलादेशने संयु्क्त राष्ट्रात आपली याचिका दाखल करत आपली भूमिका स्पष्ट केली आहे. याआधी भारताने एप्रिल महिन्यात संयुक्त राष्ट्र संघात एक पत्र पाठवत बांगलादेशच्या आधाररेषेला विरोध केला होता.

पाकिस्तानने गरळ ओकली; भारतात ISIS चे प्रशिक्षण केंद्र सुरू असल्याचा आरोप

आमच्या पाठीत खंजीर खुपसला; अमेरिका-ऑस्ट्रेलियावर फ्रान्स संतप्त
ढाका विद्यापीठाचे आंतरराष्ट्रीय विषयाचे जाणकार चौधरीी रफीकुल अबरार यांनी सांगितले की, बंगालचा उपसागर बांगलादेशसाठी महत्त्वाचा आहे. त्याच्या कायदेशीर सागरी सीमांचे सार्वभौमत्व हे देशाच्या सार्वभौमत्वाशी निगडीत आहे. भारत आणि बांगलादेश मित्र देश असून संयुक्त राष्ट्र संघाचा निर्णय दोन्ही देश स्वीकारतील असे त्यांनी म्हटले.