मटा ऑनलाइन वृत्त । न्यूयॉर्क
जगातील सर्वात श्रीमंत व्यक्ती म्हणून मायक्रोसॉफ्टचे सर्वेसर्वा बिल गेट्स यांनी आपलं स्थान अबाधित राखलं आहे. फोर्ब्जनं जाहीर केलेल्या अब्जाधीशांच्या यादीत ७५ अब्ज डॉलर संपत्तीचे धनी असलेल्या गेट्स यांनी पहिला क्रमांक पटकावला आहे. तर, भारतातील ८४ अब्जाधीशांच्या यादीत 'रिलायन्स इंडस्ट्रीज'चे प्रमुख मुकेश अंबानी पहिल्या क्रमांकावर आहेत.
'फोर्ब्ज'नं २०१६ या वर्षातील जगभरातील श्रीमंतांची यादी जाहीर केली आहे. एकूण १ हजार ८१० अब्जाधीशांचा समावेश असलेल्या या यादीत बिल गेट्स सर्वोच्च स्थानी आहेत. गेट्स यांनी सलग तिसऱ्यांदा हा मान मिळवला आहे. गेल्या २२ वर्षांत १७ वेळा ते या स्थानावर राहिले आहेत. मात्र, गेल्या वर्षीच्या तुलनेत यंदा त्यांची संपत्ती ४.२ अब्ज डॉलरनं कमी झाली आहे. आंतरराष्ट्रीय बाजारातील कच्च्या तेलांच्या किंमती कोसळल्यानं रिलायन्स इंडस्ट्रीजच्या शेअर्सला फटका पडूनही मुकेश अंबानी हे सर्वाधिक श्रीमंत भारतीय ठरले आहेत. जागतिक यादीत ते ३६ व्या स्थानावर आहेत. अंबानी यांच्याकडं २०.६ अब्ज डॉलर इतकी संपत्ती आहे.
अंबानी यांच्यासह फार्मा मॅगनेटचे दिलीप संघवी, 'विप्रो'चे अजीम प्रेमजी आणि 'एचसीएल'चे सहसंस्थापक शिव नाडर हे जगातील पहिल्या १०० श्रीमंतांच्या रांगेत आहेत. 'आर्सेलर मित्तल'चे लक्ष्मीनिवास मित्तल, 'भारती एअरटेल'चे सुनील मित्तल, 'पोर्ट्स अँड पॉवर मॅगनेट'चे गौतम अदाणी, सावित्री जिंदाल, राहुल बजाज, एन. आर. नारायणमूर्ती आणि आनंद महिंद्रा यांनाही यादीत स्थान मिळाले आहे.
जगातील सर्वात श्रीमंत व्यक्ती म्हणून मायक्रोसॉफ्टचे सर्वेसर्वा बिल गेट्स यांनी आपलं स्थान अबाधित राखलं आहे. फोर्ब्जनं जाहीर केलेल्या अब्जाधीशांच्या यादीत ७५ अब्ज डॉलर संपत्तीचे धनी असलेल्या गेट्स यांनी पहिला क्रमांक पटकावला आहे. तर, भारतातील ८४ अब्जाधीशांच्या यादीत 'रिलायन्स इंडस्ट्रीज'चे प्रमुख मुकेश अंबानी पहिल्या क्रमांकावर आहेत.
'फोर्ब्ज'नं २०१६ या वर्षातील जगभरातील श्रीमंतांची यादी जाहीर केली आहे. एकूण १ हजार ८१० अब्जाधीशांचा समावेश असलेल्या या यादीत बिल गेट्स सर्वोच्च स्थानी आहेत. गेट्स यांनी सलग तिसऱ्यांदा हा मान मिळवला आहे. गेल्या २२ वर्षांत १७ वेळा ते या स्थानावर राहिले आहेत. मात्र, गेल्या वर्षीच्या तुलनेत यंदा त्यांची संपत्ती ४.२ अब्ज डॉलरनं कमी झाली आहे. आंतरराष्ट्रीय बाजारातील कच्च्या तेलांच्या किंमती कोसळल्यानं रिलायन्स इंडस्ट्रीजच्या शेअर्सला फटका पडूनही मुकेश अंबानी हे सर्वाधिक श्रीमंत भारतीय ठरले आहेत. जागतिक यादीत ते ३६ व्या स्थानावर आहेत. अंबानी यांच्याकडं २०.६ अब्ज डॉलर इतकी संपत्ती आहे.
अंबानी यांच्यासह फार्मा मॅगनेटचे दिलीप संघवी, 'विप्रो'चे अजीम प्रेमजी आणि 'एचसीएल'चे सहसंस्थापक शिव नाडर हे जगातील पहिल्या १०० श्रीमंतांच्या रांगेत आहेत. 'आर्सेलर मित्तल'चे लक्ष्मीनिवास मित्तल, 'भारती एअरटेल'चे सुनील मित्तल, 'पोर्ट्स अँड पॉवर मॅगनेट'चे गौतम अदाणी, सावित्री जिंदाल, राहुल बजाज, एन. आर. नारायणमूर्ती आणि आनंद महिंद्रा यांनाही यादीत स्थान मिळाले आहे.