बलुचिस्तानमध्ये स्फोट; २५ ठार, ३५ जखमी

मटा ऑनलाइन वृत्त । नवी दिल्ली

बलुचिस्तान प्रांतातील क्वेटामधील मुस्तांग भागात भीषण स्फोट झाला आहे. या स्फोटामध्ये २५ ठार तर ३५ जण जखमी झाले आहेत. या स्फोटात पाकिस्तान संसदेचे उपाध्यक्ष मौलाना गफूर हैदरीदेखील जखमी झाले आहेत.शुक्रवारच्या नमाजानंतर हा स्फोट झाला. जखमी आणि मृतांचा आकडा वाढण्याची भीती व्यक्त केली जात आहे.

शुक्रवारची नमाज अदा केल्यानंतर अतिशय मोठा स्फोट झाला असल्याचे जमात-ए-इस्लामीचे गफूर हैदरी यांनी सांगितले. या स्फोटात गफूर हैदरी किरकोळ जखमी झाली असून त्यांना क्वेटा रूग्णालयात उपचारासाठी दाखल करण्यात आले आहेत. या स्फोटाचे मुख्य लक्ष्य गफूर हैदरी असल्याचे पाकिस्तानी मिडियाने वृत्त दिले आहे. तर, पोलिसांना हा स्फोट आत्मघातकी स्फोट असल्याचा अंदाज व्यक्त केला आहे. स्फोटाचे ठिकाण पोलिसांनी सील केले असून तपास सुरू असल्याचे मुस्तांग पोलिसांनी म्हंटले