ब्राझीलिया: ब्राझीलमध्ये करोनामुळे हाहाकार उडाला असून परिस्थिती चिंताजनक झाली आहे. जपानमधील फुकूशिमामध्ये झालेल्या अणुभट्टी अपघातासारखी परिस्थिती निर्माण झाली असल्याचा इशारा तज्ज्ञांनी दिला आहे. ब्राझीलमध्ये दररोज करोनाचा नवीन स्ट्रेन आढळत आहे. मंगळवारी ब्राझीलमध्ये एकाच दिवसात ४१९५ जणांच्या मृत्यूंची नोंद करण्यात आली. ही आतापर्यंतची सर्वाधिक संख्या आहे.
ब्राझीलमधील पूर्वेकडील भागात करोनाशी दोन हात करणाऱ्या पथकाचे नेतृत्व करणारे मिगुएल निकोलेलिस यांनी सांगितले की, ब्राझील आतापर्यंतच्या सर्वात मोठ्या संकटाशी दोन हात करत आहे. त्यांनी बीबीसीशी बोलताना म्हटले की, सध्याचे संकट गंभीर आहे. अणूभट्टीच्या अपघातासारखे असून संकट आता नियंत्रणाबाहेर आहे. जुलै महिन्यापर्यंत ब्राझीलमधील करोना बळींची संख्या सहा लाखांहून अधिक होण्याची भीती त्यांनी व्यक्त केली. फुकूशिमामध्ये झालेल्या अणूभट्टी अपघातासोबत त्यांनी तुलना केली. जपानमध्ये २०११ मध्ये आलेल्या भीषण सुनामीनंतर अणूभट्टीत अपघात झाला होता.
वाचा: छोटा देश पण कामगिरी मोठी; एकाच आठवड्यात निम्म्या लोकसंख्येचे लसीकरण
मिगुएल यांनी सांगितले की, ब्राझील हे जगभरातील संसर्गाचे केंद्र नाही. मात्र, ब्राझीलमधील करोनावर नियंत्रण न मिळवल्यास जगातील इतर देशांमध्येही त्याला नियंत्रित करणे कठीण होईल, असा इशारा त्यांनी दिला. दर आठवड्याला करोनाचा नवीन स्ट्रेन आढळत असल्याचे त्यांनी सांगितले. त्यातील काही करोना विषाणूचे स्ट्रेन दक्षिण अमेरिकेतील काही देशांमधून इतर देशांमध्ये फैलावू शकतात, असेही त्यांनी म्हटले.
वाचा: करोनाचे थैमान: 'या' देशात भारतीयांना प्रवेश करण्यास बंदी
वाचा: आम्हीही फ्रंटलाईन वर्कर; लशीच्या मागणीसाठी देहविक्री करणाऱ्या महिलांचा संप
जगभरातील करोनाबाधितांची संख्या १३.२२ कोटीहून अधिक झाली आहे. तर, मृतांची संख्या २८ लाख ७० हजारांहून अधिक झाली आहे. सर्वाधिक करोनाबाधितांच्या यादीत अमेरिका पहिल्या स्थानावर आहे. अमेरिकेत तीन कोटींहून अधिक करोनाबाधित असून पाच लाख ५६ हजारांहून अधिक मृत्यू झाले आहेत. तर, ब्राझील दुसऱ्या स्थानावर असून एक कोटी ३१ लाखांहून अधिक करोनाबाधितांची नोंद करण्यात आली आहे. ब्राझीलमध्ये तीन लाख ३६ हजारांहून अधिक जणांना प्राण गमवावे लागले आहे. तर भारतातही एक कोटी २६ लाखांहून अधिक करोनाबाधितांची नोंद करण्यात आली आहे.
ब्राझीलमधील पूर्वेकडील भागात करोनाशी दोन हात करणाऱ्या पथकाचे नेतृत्व करणारे मिगुएल निकोलेलिस यांनी सांगितले की, ब्राझील आतापर्यंतच्या सर्वात मोठ्या संकटाशी दोन हात करत आहे. त्यांनी बीबीसीशी बोलताना म्हटले की, सध्याचे संकट गंभीर आहे. अणूभट्टीच्या अपघातासारखे असून संकट आता नियंत्रणाबाहेर आहे. जुलै महिन्यापर्यंत ब्राझीलमधील करोना बळींची संख्या सहा लाखांहून अधिक होण्याची भीती त्यांनी व्यक्त केली. फुकूशिमामध्ये झालेल्या अणूभट्टी अपघातासोबत त्यांनी तुलना केली. जपानमध्ये २०११ मध्ये आलेल्या भीषण सुनामीनंतर अणूभट्टीत अपघात झाला होता.
वाचा: छोटा देश पण कामगिरी मोठी; एकाच आठवड्यात निम्म्या लोकसंख्येचे लसीकरण
मिगुएल यांनी सांगितले की, ब्राझील हे जगभरातील संसर्गाचे केंद्र नाही. मात्र, ब्राझीलमधील करोनावर नियंत्रण न मिळवल्यास जगातील इतर देशांमध्येही त्याला नियंत्रित करणे कठीण होईल, असा इशारा त्यांनी दिला. दर आठवड्याला करोनाचा नवीन स्ट्रेन आढळत असल्याचे त्यांनी सांगितले. त्यातील काही करोना विषाणूचे स्ट्रेन दक्षिण अमेरिकेतील काही देशांमधून इतर देशांमध्ये फैलावू शकतात, असेही त्यांनी म्हटले.
वाचा: करोनाचे थैमान: 'या' देशात भारतीयांना प्रवेश करण्यास बंदी
वाचा: आम्हीही फ्रंटलाईन वर्कर; लशीच्या मागणीसाठी देहविक्री करणाऱ्या महिलांचा संप
जगभरातील करोनाबाधितांची संख्या १३.२२ कोटीहून अधिक झाली आहे. तर, मृतांची संख्या २८ लाख ७० हजारांहून अधिक झाली आहे. सर्वाधिक करोनाबाधितांच्या यादीत अमेरिका पहिल्या स्थानावर आहे. अमेरिकेत तीन कोटींहून अधिक करोनाबाधित असून पाच लाख ५६ हजारांहून अधिक मृत्यू झाले आहेत. तर, ब्राझील दुसऱ्या स्थानावर असून एक कोटी ३१ लाखांहून अधिक करोनाबाधितांची नोंद करण्यात आली आहे. ब्राझीलमध्ये तीन लाख ३६ हजारांहून अधिक जणांना प्राण गमवावे लागले आहे. तर भारतातही एक कोटी २६ लाखांहून अधिक करोनाबाधितांची नोंद करण्यात आली आहे.