वृत्तसंस्था, लंडन
शेकडो प्रवाशांची माहिती चोरीला गेल्याप्रकरणी 'ब्रिटिश एअरवेज'ला १८ कोटी ३० लाख पौंडांचा दंड ठोठावण्यात आला आहे. ब्रिटनच्या माहिती आयुक्तांनी या प्रकरणी कारवाई करण्याचे आदेश दिले. ब्रिटिश एअरवेजच्या २०१७ मधील एकूण व्यवसायाच्या १.५ टक्के हा दंड ठोठवण्यात आला आहे. गेल्या वर्षी 'ब्रिटिश एअरवेज'च्या वेबसाइटवर झालेल्या सायबर हल्ल्यामध्ये प्रवाशांच्या माहितीची चोरी करण्यात आली होती. या चोरीप्रकरणीचा तपास करूनही कोणतेही धागेदोरे मिळाले नसल्याचे कंपनीने म्हटले होते. दंड ठोठावल्यानंतर ब्रिटिश एअरवेजचे सीईओ अलेक्स क्रुझ म्हणाले, 'आम्ही या प्रकरणी वरिष्ठ आयोगाकडे अपील करणार आहोत.'