मल्ल्याच्या प्रत्यार्पणास ब्रिटन तयार

मटा ऑनलाइन वृत्त । लंडन

सरकारी बँकांचं सुमारे ९ हजार कोटी रुपयांचं कर्ज थकवून परदेशात पलायन करणारा उद्योगपती विजय मल्ल्याचं प्रत्यार्पण करण्याची भारताची विनंती ब्रिटन सरकारने मान्य केली आहे. सरकारच्या मंजुरीनंतर याबाबतचा प्रस्ताव वेस्टमिनिस्टर कोर्टापुढे ठेवण्यात आला आहे.

परराष्ट्र मंत्रालयाकडून याबाबत आज माहिती देण्यात आली. विजय मल्ल्या याच्या प्रत्यर्पणाबाबत भारताने ब्रिटनकडे आग्रह धरला होता. त्यावर कार्यवाही करण्यात आली आहे.

मल्ल्याच्या प्रत्यार्पणाची भारताची मागणी वेस्टमिनिस्टर कोर्टापुढे ठेवण्यात आली असल्याचे ब्रिटन सरकारने आम्हाला कळवले आहे, असे परराष्ट्र मंत्रालयाचे प्रवक्ते गोपाल बागले यांनी सांगितले. वेस्टमिनिस्टर जिल्हा कोर्ट आता मल्ल्याच्या नावाने वॉरंट काढेल, असेही सांगण्यात आले.


They further conveyed that it is sent to Westminster Magistrate's court for a district judge to consider issue of releasing of warrant: MEA pic.twitter.com/g11karXpGb — ANI (@ANI_news) March 24, 2017