लंडन : ब्रेक्झिटच्या मुद्द्यावरून ब्रिटन पुन्हा एकदा गुरुवारी निवडणुकांना सामोरे गेला. ब्रिटनमधील पाच वर्षांतील ही तिसरी सर्वसाधारण निवडणूक आहे. २०१६पासून ब्रेक्झिटच्या मुद्द्यावरून ब्रिटनचे राजकारण तापले आहे. युरोपीय संघातून ब्रिटनला बाहेर ठेवायचे, की त्यासाठी आणखी वेळ घ्यायचा, की ब्रेक्झिटचा विचार सोडून देऊन युरोपीय संघातच राहायचे, हे आता नव्या निवडणुकीत कुणाचा विजय होतो, त्यावरून ठरणार आहे.
निवडणुकीमध्ये ६५० जागांसाठी ३३२२ उमेदवार उभे आहेत. वेल्स, स्कॉटलंड, उत्तर आयर्लंड आणि इंग्लंडमधील सर्व ठिकाणी मतदान केंद्रे सकाळी सात वाजता उघडली. रात्री दहा वाजता मतदान संपल्यानंतर लगेचच मतमोजणी होणार आहे. शुक्रवारी सकाळी निकाल जाहीर होण्याची शक्यता आहे. निवडणुकीत ३२६पेक्षा अधिक खासदार असलेला पक्ष विजयी ठरेल. बहुमत कुठल्याही पक्षाला मिळाले नाही, तर मित्रपक्षांचे, युतीचे सरकार जो स्थापन करील ती आघाडी विजयी ठरेल. पंतप्रधान बोरीस जॉन्सन यांनी ब्रेक्झिट मार्गी लावावे आणि ब्रिटनला युरोपीय संघातून बाहेर पडू द्यावे, अशी भूमिका घेतली आहे. अंतिम ब्रेक्झिट करारावर विरोधकांनी सार्वमताची मागणी केली आहे. ३१ ऑक्टोबरपर्यंत ब्रेक्झिट मार्गी न लागल्याने जॉन्सन यांनी निवडणुकांची घोषणा केली आहे. जॉन्सन यांना बहुमत मिळाले, तर त्यांना ब्रेक्झिट कराराला मंजुरी देणे शक्य होणार आहे.
निवडणुकीमध्ये ६५० जागांसाठी ३३२२ उमेदवार उभे आहेत. वेल्स, स्कॉटलंड, उत्तर आयर्लंड आणि इंग्लंडमधील सर्व ठिकाणी मतदान केंद्रे सकाळी सात वाजता उघडली. रात्री दहा वाजता मतदान संपल्यानंतर लगेचच मतमोजणी होणार आहे. शुक्रवारी सकाळी निकाल जाहीर होण्याची शक्यता आहे. निवडणुकीत ३२६पेक्षा अधिक खासदार असलेला पक्ष विजयी ठरेल. बहुमत कुठल्याही पक्षाला मिळाले नाही, तर मित्रपक्षांचे, युतीचे सरकार जो स्थापन करील ती आघाडी विजयी ठरेल. पंतप्रधान बोरीस जॉन्सन यांनी ब्रेक्झिट मार्गी लावावे आणि ब्रिटनला युरोपीय संघातून बाहेर पडू द्यावे, अशी भूमिका घेतली आहे. अंतिम ब्रेक्झिट करारावर विरोधकांनी सार्वमताची मागणी केली आहे. ३१ ऑक्टोबरपर्यंत ब्रेक्झिट मार्गी न लागल्याने जॉन्सन यांनी निवडणुकांची घोषणा केली आहे. जॉन्सन यांना बहुमत मिळाले, तर त्यांना ब्रेक्झिट कराराला मंजुरी देणे शक्य होणार आहे.