वृत्तसंस्था, बार्सिलोना/माद्रिद
स्पेनमधील कॅटलोनिया प्रांताच्या संसदेने स्पेनपासून स्वतंत्र होत असल्याची घोषणा शुक्रवारी केली. कॅटलोनियाने स्वातंत्र्याच्या बाजूने कौल दिला असला, तरीही काही काळासाठी सार्वमताचा कौल स्थगित ठेवण्यात आला होता. कॅटलोनिया हे एक स्वतंत्र, सामाजिक लोकशाहीवादी राष्ट्र असून त्याला स्वत:ची ओळख मिळाली पाहिजे, असे या ‘देशा’च्या संसदेने म्हटले आहे. मात्र, ही घोषणा होताच स्पेनमधील सरकारने कॅटलोनियाची स्वायत्तता रद्द केली असून, या प्रांतावर आपली थेट राजवट लादली आहे.
स्पेनमध्ये कॅटलोनिया प्रांताच्या स्वातंत्र्यावरून सर्वांत मोठा राजकीय पेच निर्माण झाला होता. कॅटलोनियाकडून स्वातंत्र्य जाहीर केले जाऊ नये, यासाठी स्पेनकडून प्रयत्न करण्यात आले होते. कॅटलोनिया प्रांताची लोकसंख्या सुमारे ७५ लाख आहे. हा प्रांत स्पेनची आर्थिक राजधानी म्हणून ओळखला जातो. तो स्पेनमधून बाहेर पडल्यानंतर स्पेनसह संपूर्ण युरोपीय महासंघातच अस्थैर्य निर्माण होण्याची शक्यता तज्ज्ञांनी वर्तवली आहे. मात्र, १ ऑक्टोबर रोजी स्वातंत्र्याविषयी घेण्यात आलेल्या सार्वमतात चाळीस टक्के मतदारांनी सहभाग घेतला. त्यातील नव्वद टक्के मतदारांनी कॅटलोनियाच्या स्वातंत्र्याच्या बाजूने निर्णय दिला होता. दरम्यान, बर्सिलोना येथील संसदेत याबाबतचा ठराव मंजूर करण्यात आला त्यावेळी विरोधी पक्षांनी कामकाजावर बहिष्कार घातला होता.
स्पेनमधील कॅटलोनिया प्रांताच्या संसदेने स्पेनपासून स्वतंत्र होत असल्याची घोषणा शुक्रवारी केली. कॅटलोनियाने स्वातंत्र्याच्या बाजूने कौल दिला असला, तरीही काही काळासाठी सार्वमताचा कौल स्थगित ठेवण्यात आला होता. कॅटलोनिया हे एक स्वतंत्र, सामाजिक लोकशाहीवादी राष्ट्र असून त्याला स्वत:ची ओळख मिळाली पाहिजे, असे या ‘देशा’च्या संसदेने म्हटले आहे. मात्र, ही घोषणा होताच स्पेनमधील सरकारने कॅटलोनियाची स्वायत्तता रद्द केली असून, या प्रांतावर आपली थेट राजवट लादली आहे.
स्पेनमध्ये कॅटलोनिया प्रांताच्या स्वातंत्र्यावरून सर्वांत मोठा राजकीय पेच निर्माण झाला होता. कॅटलोनियाकडून स्वातंत्र्य जाहीर केले जाऊ नये, यासाठी स्पेनकडून प्रयत्न करण्यात आले होते. कॅटलोनिया प्रांताची लोकसंख्या सुमारे ७५ लाख आहे. हा प्रांत स्पेनची आर्थिक राजधानी म्हणून ओळखला जातो. तो स्पेनमधून बाहेर पडल्यानंतर स्पेनसह संपूर्ण युरोपीय महासंघातच अस्थैर्य निर्माण होण्याची शक्यता तज्ज्ञांनी वर्तवली आहे. मात्र, १ ऑक्टोबर रोजी स्वातंत्र्याविषयी घेण्यात आलेल्या सार्वमतात चाळीस टक्के मतदारांनी सहभाग घेतला. त्यातील नव्वद टक्के मतदारांनी कॅटलोनियाच्या स्वातंत्र्याच्या बाजूने निर्णय दिला होता. दरम्यान, बर्सिलोना येथील संसदेत याबाबतचा ठराव मंजूर करण्यात आला त्यावेळी विरोधी पक्षांनी कामकाजावर बहिष्कार घातला होता.