पृथ्वीच्या पोटात तब्बल ३२ हजार फूट खोल खड्डा करतोय चीन; ड्रॅगनचा नेमका प्लान काय?

बीजिंग: चीनमधून एक महत्त्वाची बातमी समोर आली आहे. चीनचे शास्त्रज्ञ पृथ्वीच्या पृष्ठभागावर १० हजार मीटर म्हणजेच ३२ हजार ८०८ फूट खोल खड्डा खणत आहेत. शिनजियांग प्रांतात शास्त्रज्ञांकडून काम सुरू असल्याची माहिती चिनी वृत्तसंस्था असलेल्या शिन्हुआनं दिली. शिनजियांग प्रांत तेलसमृद्ध मानला जातो.

तब्बल ३२ हजारांहून खोल खड्डा खणणं मोठ्या जिकिरीचं काम आहे. पृथ्वीच्या पोटात असलेल्या मोठ्या खडकांना भेदत खड्डा खणण्याचं काम अतिशय आव्हानात्मक आहे. चिनी शास्त्रज्ञ खड्डा खणत ज्या महाकाय खडकापर्यंत पोहोचतील त्याचं वयोमान १४५ मिलियन वर्षे आहे. रॉक डेटिंगच्या माध्यमातून खडकाचं वय शोधण्यात आलं आहे. पृथ्वीवरील सर्वात खोल मानवनिर्मित खड्डा कोला सुपरडीप नावानं ओळखला जातो. या खड्ड्याची खोली १२ हजार २६२ मीटर इतकी म्हणजेच ४० हजार २३० फूट इतकी आहे. २० वर्षे खोदकाम केल्यानंतर १९८९ मध्ये सुपरडीप बोअरहोलचं काम पूर्ण झालं.
फ्रिजमधून पाण्याची बाटली काढली; १४ वर्षीय मुलावर गोळी झाडली; तपासातून 'उलटा' प्रकार समोर
चिनी शास्त्रज्ञांनी मंगळवारपासून पृथ्वीच्या पृष्ठभागावर खड्डा करण्यास सुरुवात केली आहे. जगातील दुसरी क्रमांकाची अर्थव्यवस्था असलेला चीन या खड्ड्याच्या मदतीनं जमिनीखालील नव्या सीमा शोधत आहेत. मंगळवारी सकाळीच चीननं पहिल्यांदाच एखाद्या नागरिकाला अंतराळात पाठवलं. यासोबतच तब्बल ३२ हजार खोल खड्डा खणत चीननं नवी मोहीम सुरू केली आहे.
पोटात अडकला ८ इंचांचा डिओ कॅन; तरुणाला वेदना असह्य, कण्हत कण्हत हॉस्पिटल गाठलं अन् मग...
जमिनीखाली इतका खोल खड्डा खणणं म्हणजे स्टिलच्या दोन पातळ केबलवरुन मोठा ट्रक चालवण्यासारखं असल्याचं चायनीज ऍकेडमी ऑफ इंजिनीयरिंगचे शास्त्रज्ञ सन जिनशेंग म्हणाले. हा प्रकल्प चीनचे अध्यक्ष शी जिनपिंग यांचा महत्त्वाकांक्षी प्रकल्प आहे. यासारख्या प्रकल्पांमुळे जमिनीच्या पोटात असलेल्या खनिज आणि ऊर्जा संसाधनांचा शोध घेण्यात मदत होते. यासोबतच भूकंप आणि ज्वालामुखीचा उद्रेक यासारख्या नैसर्गिक आपत्तींची पूर्वसूचना मिळण्यास सहाय्य मिळतं, असं जिनपिंग २०२१ मध्ये शास्त्रज्ञांना संबोधित करताना म्हणाले होते.