चीन, पाकिस्तान जगावर आणणार मोठं संकट; रावळपिंडीतील सीक्रेट लॅबमध्ये चाललंय काय?

इस्लामाबाद: चीन आणि पाकिस्तान गुप्तपणे एका मोहिमेवर काम करत आहेत. दोन्ही देश एकत्रितपणे जैविक शस्त्रांवर काम करत असून करोनापेक्षा अधिक जीवघेणा, घातक विषाणूवर काम सुरू आहे. रावळपिंडीतील एका गुप्त जागेवर गेल्या काही महिन्यांपासून जैवित्र शस्त्रांवर काम सुरू असल्याचं वृत्त एएनआयनं दिलं आहे.

चीनमधील वुहान इन्स्टिट्यूट ऑफ वायरॉलॉजी आणि पाकिस्तानच्या संरक्षण विज्ञान आणि तंत्रज्ञान संस्थेनं रावळपिंडीत घातक आजार पसरवणाऱ्या विषाणूवर संशोधन करत आहेत. त्यासाठी रावळपिंडीत एक गुप्त प्रयोगशाळा तयार करण्यात आली आहे. या जागेच्या आसपास चोख सुरक्षा व्यवस्था ठेवण्यात आली आहे. चीन-पाकिस्तान एकत्रितपणे करोनासारखा घातक विषाणू तयार करण्यासाठी काम करत असल्याचं वृत्त आंतरराष्ट्रीय पातळीवरील माध्यमांनी दिलं आहे. हा विषाणू करोनापेक्षा अधिक जीवघेणा असू शकतो.
भरधाव कारची बाईकस्वाराला धडक, फरफटत नेलं; भीषण अपघात सीसीटीव्हीत कैद
संरक्षण विज्ञान आणि तंत्रज्ञान संस्था पाकिस्तानी लष्कराकडून चालवली जाते. पाकिस्तानच्या साथीनं चीननं प्रयोगशाळेतील एक अतिशय संक्रामक नेटवर्क आऊटसोर्स केल्याची माहिती समोर येत आहे. चीन आणि पाकिस्तान करोनापेक्षा १०० पट अधिक धोकादायक आणि संक्रामक विषाणू तयार करत असल्याचं समजतं. रावळपिंडीतील प्रयोगशाळेत शास्त्रज्ञ केवळ प्रयोग करत नसून ते धोकादायक विषाणू तयार करत आहेत, अशी चिंता वाढणारी माहिती जैविक हत्यारांशी संबंधित तज्ज्ञांनी दिली.
धक्कादायक! कारला टेकून उभा राहिल्यानं लहानग्याला लाथ घातली; तरुणाचा माजोरडेपणा CCTVत कैद
चीनच्या वुहानमध्ये सापडला होता करोनाचा पहिला रुग्ण
चीनच्या मध्यभागी असलेल्या वुहान शहरात २०१९ मध्ये करोनाचा पहिला रुग्ण सापडला होता. २०१९ च्या अखेरीस करोनाचा वेगानं फैलाव सुरू झाला. ३० डिसेंबर २०२० रोजी भारतात करोनाचा पहिला रुग्ण आढळून आला. चीनच्या वुहान विद्यापीठात परीक्षा देऊन आलेल्या विद्यार्थिनीला करोनाची लागण झाल्याचं आढळून आलं. तेव्हापासून देश करोना संकटाशी लढत आहे. दोन वर्षांनंतरही करोना विषाणू पूर्णपणे संपलेला नाही.