Coronavirus updates चीन आणि WHO ला करोना रोखता आला असता, पण...

जिनिव्हा: करोनाचा संसर्ग वेगाने जगभरात फैलावला. करोनाच्या संसर्गाला रोखता येणे शक्य होते, असे इंडिपेंडेंट पॅनल फॉर पॅन्डामिक प्रिपेयर्डनेस अॅण्ड रिस्पॉन्सने (IPPR) आपल्या अहवालात नमूद केले. करोनाच्या संसर्गाला लपवल्यामुळेच जगभरात हा विषाणू फैलावला असल्याचे गंभीर आरोप या अहवालात करण्यात आला आहे. करोनाच्या सुरुवातीच्या काही प्रकरणांचा अभ्यास केल्यानंतर करोनाचा संसर्ग रोखण्यासाठी याआधीच पावले उचलता येणे शक्य होते, असेही या अहवालात म्हटले आहे.

या अहवालानुसार, चीनचे स्थानिक आणि राष्ट्रीय आरोग्य प्रशासनाला जानेवारी महिन्यातच जलदपणे आणि गंभीरपणे पावले उचलता येणे शक्य होते. पॅनलने महासाथीच्या सुरुवातीला जागतिक आरोग्य संघटनेने दाखवलेल्या हलगर्जीपणाच्या भूमिकेची टीका केली. जागतिक आरोग्य संघटनेने २२ जानेवारीपर्यंत आपात्कालीन बैठक घेतली नाही. त्यावेळीदेखील आरोग्य संघटनेच्या समितीने करोनाला आपात्कालीन परिस्थिती घोषित करण्यासाठी एक आठवड्याचा अवधी घेतला. जागतिक आरोग्य संघटनेच्या समितीकडून असा निर्णय का घेतला गेला, हे अद्यापही स्पष्ट नसल्याचे अहवालात नमूद करण्यात आले.

वाचा: करोना: होय, वटवाघळाने चावा घेतला होता; चिनी शास्त्रज्ञाने दिली कबुली
पाहा: 'असे' आहे चीनने अरुणाचलमध्ये वसवलेले गाव!
या आधीदेखील अमेरिकेच्या गृहविभागाने एक अहवाल प्रकाशित करून वुहान येथील वायरॉलजी इन्स्टिट्यूटवर अनेक प्रश्न उपस्थित करत सखोल चौकशीची मागणी केली होती. चीन सरकारने करोनाबाबतची अनेक माहिती लपवली असून असत्य सांगण्यासाठी आपली ताकद झोकून दिली असल्याचे या अहवालात म्हटले गेले.

वाचा: करोनावर मात केलेल्या रुग्णांपासून होऊ शकतो संसर्ग!

वाचा: तिसऱ्यांदा 'ही' चूक केलीत, आता खूप झालं!; WHO ला भारताने ठणकावलेवुहान इन्स्टिट्यूट ऑफ वायरॉलजीमधील अनेक संशोधक २०१९मध्ये आजारी झाली होते, असा दावा अमेरिकेच्या अहवालात करण्यात आला आहे. चीन सरकारने स्वतंत्र पत्रकार, तपासकर्ते आणि जागतिक आरोग्य संस्थांना वुहान इन्स्टिट्यूट ऑफ वायरॉलजीच्या संशोधकांशी भेट घेण्यास रोखले आहे. यामध्ये २०१९ मध्ये आजारी पडलेल्या संशोधकांचाही समावेश आहे.