इस्लामाबाद: संपूर्ण जग करोनाच्या थैमानाने हैराण झाले आहे. करोनाच्या संसर्गाला अटकाव करण्यासाठी विविध पातळीवर प्रयत्न केले जात आहेत. करोना संसर्गापासून बचाव करण्यासाठी निर्बंधही लागू करण्यात आले आहेत. मात्र, निर्बंधांची अंमलबजावणी होताना प्रशासनाकडूनही हास्यास्पद चुका होतात. अशीच एक घटना पाकिस्तानमध्ये घडली असून त्याची जोरदार चर्चा सुरू आहे. पाकिस्तानमधील फालिया शहरातून जवळपास २० जणांना करोना संसर्ग टाळण्याच्या नियमांचे उल्लंघन केल्याप्रकरणी एकाच तुरुंगात डांबण्यात आले होते. विशेष म्हणजे सोशल डिस्टेंसिंगच्या नियमांचे पालन न केल्यामुळे त्यांच्यावर ही कारवाई करण्यात आली होती. हे छायाचित्र पाकिस्तानी पत्रकार नायला इनायतने ट्विट केले आहे.
वाचा: सुएझ कोंडी: भारतीय चालक दल बळीचे बकरे? अटकेची कारवाई होण्याची शक्यता
वाचा: भारत-पाकिस्तानमध्ये व्यापार पुन्हा सुरू होणार? इम्रान खान घेणार आज निर्णय
वाचा: करोनात भारतीय सैन्याची संवेदनशीलता; 'या' देशाच्या सैन्याला एक लाख डोसची भेट
सोशल मीडियावर ट्रोल
हा फोटो सोशल मीडियावर व्हायरल झाला आहे. अनेकांनी या कारवाईची खिल्ली उडवली आहे. एका युजर्सने म्हटले की, आता करोना कधीही पोलिसांचा बंदोबस्त आणि तुरुंग फोडून बाहेर येऊ शकत नाही. या फोटोवरून कारवाई करणाऱ्या प्रशासनावरही टीकेची झोड उठवली जात आहे.
पाकिस्तानमध्ये मंगळवारी २४ तासांत करोनाचे ४०८४ नवीन बाधितांची नोंद करण्यात आली. पाकिस्तानमध्ये करोनाबाधितांची संख्या सहा लाख ६३ हजार २०० इतकी नोंदवण्यात आली आहे. तर, मृतांची संख्या १४ हजार ३५६ इतकी झाली आहे. तर, एकाच दिवसात २०८१ जणांनी करोनावर मात केली. आतापर्यंत सहा लाख करोनाबाधितांवर यशस्वी उपचार करण्यात आले आहेत.
वाचा: सुएझ कोंडी: भारतीय चालक दल बळीचे बकरे? अटकेची कारवाई होण्याची शक्यता
वाचा: भारत-पाकिस्तानमध्ये व्यापार पुन्हा सुरू होणार? इम्रान खान घेणार आज निर्णय
वाचा: करोनात भारतीय सैन्याची संवेदनशीलता; 'या' देशाच्या सैन्याला एक लाख डोसची भेट
सोशल मीडियावर ट्रोल
हा फोटो सोशल मीडियावर व्हायरल झाला आहे. अनेकांनी या कारवाईची खिल्ली उडवली आहे. एका युजर्सने म्हटले की, आता करोना कधीही पोलिसांचा बंदोबस्त आणि तुरुंग फोडून बाहेर येऊ शकत नाही. या फोटोवरून कारवाई करणाऱ्या प्रशासनावरही टीकेची झोड उठवली जात आहे.
पाकिस्तानमध्ये मंगळवारी २४ तासांत करोनाचे ४०८४ नवीन बाधितांची नोंद करण्यात आली. पाकिस्तानमध्ये करोनाबाधितांची संख्या सहा लाख ६३ हजार २०० इतकी नोंदवण्यात आली आहे. तर, मृतांची संख्या १४ हजार ३५६ इतकी झाली आहे. तर, एकाच दिवसात २०८१ जणांनी करोनावर मात केली. आतापर्यंत सहा लाख करोनाबाधितांवर यशस्वी उपचार करण्यात आले आहेत.