Coronavirus emergency in Japan करोनाचा नवा वेरिएंट: ऑलिम्पिक आधी जपानमध्ये आणीबाणी लागू

टोकियो: करोनाच्या संकटाशी सामना करणाऱ्या जपानमध्ये रविवारपासून टोकियोसह इतर काही शहरांमध्ये आणीबाणी लागू करण्यात येणार आहे. आणीबाणी लागू केल्यामुळे करोनाच्या संसर्गाला अटकाव घालणे शक्य होणार असल्याचा दावा सरकारने केला आहे. ही आणीबाणी ११ मे पर्यंत लागू असणार आहे. तीन महिन्यानंतर टोकियोत तीन महिन्यानंतर ऑलिम्पिक सुरू होणार आहे.

पंतप्रधानांनी दिली मंजुरी

जपानचे पंतप्रधान योशिहिदे सुगा यांनी शुक्रवारी टास्क फोर्सच्या बैठकीत तिसऱ्या आणीबाणीला औपाचारिकपणे मंजुरी दिली. पंतप्रधान कार्यालयाने दिलेल्या माहितीनुसार, टोकियो, ओसाका, क्योटो आणि ह्योगो प्रांतात आणीबाणी लागू करण्यात आली आहे. या दरम्यान बार तात्पुरत्या स्वरुपात बंद करण्यात येणार आहेत. जपानमध्ये पुढील आठवड्यापासून 'गोल्डन वीक'ची सुट्टी सुरू होणार आहे. त्या दरम्यान गर्दी होण्याची शक्यता आहे.

वाचा: ऑक्सिजन देण्याची चीनची तयारी; भारताने घेतली 'ही' भूमिका

वाचा: भारतावर करोनाचे महासंकट; मदतीसाठी इतर देश सरसावले

असा होणार आणीबाणीचा परिणाम

या आणीबाणीचा परिणाम जपानच्या एक चतुर्थांश लोकसंख्येवर होणार आहे. त्याशिवाय अर्थव्यवस्थेच्या जवळपास एक तृतीयांश भागावर परिणाम होणार आहे. टोकियो ऑलिम्पिक सुरू होण्यासाठी तीन महिन्यांचा कालावधी उरला आहे. तर, दुसरीकडे करोनाबाधितांच्या वाढत्या संख्येमुळे देशाच्या आरोग्य सेवेवर ताण पडला आहे. हा ताण कमी करण्यासाठी आणीबाणी लागू करण्यात आली आहे.

वाचा: करोनाबाधितांसाठी पाकिस्तानमधून मदतीचा हात; भारत सरकारकडे मागितली परवानगी

दोनच दिवस सार्वजनिक वाहतूक

आणीबाणीच्या दरम्यान कोणत्याही मोठ्या कार्यक्रमांचे आयोजन करता येणार नाही. गर्दी कमी करण्यासाठी प्रभावी पावले उचलली जातील. रेल्वे आणि बस सार्वजनिक वाहतूक आठवड्याच्या शेवटच्या दोन दिवशी चालवण्यात येतील. त्या दरम्यानही अतिआवश्यक असल्यास प्रवास करण्याची मुभा असणार आहे. अत्यावश्यक वस्तूंची विक्री करणारी दुकाने सुरू राहतील. रेस्टोरंट्स रात्री आठ वाजेपर्यंत सुरू असतील.

वाचा: माउंट एव्हरेस्टवरही करोनाचा संसर्ग; गिर्यारोहकाला बाधा

वाचा: भारतात करोनाचा हाहाकार; 'या' देशांत भारतीयांना प्रवेश बंदी

आरोग्य तज्ज्ञांचा इशारा

जपानच्या आरोग्य तज्ज्ञांनी इशारा दिला की, गोल्डन वीक दरम्यान अति वेगाने फैलावणारा करोनाचा वेरिएंट थैमान घालू शकतो. आरोग्य मंत्री नोरिहिसा तमुरा आणि सरकारचे करोना विषाणू संबंधित प्रभारी मंत्री यासुतोशी निशिमुरा यांच्यासह इतर मंत्र्यांसोबत झालेल्या बैठकीनंतर पंतप्रधान सुगा यांनी करोनाचा संसर्ग रोखण्यासाठी कठोर पावले उचलणार असल्याचे सांगितले.