वॉशिंग्टन: जगभरात करोनाचे थैमान सुरू आहे. मागील काही दिवसांपासून सातत्याने करोनाबाधितांची संख्या वाढत आहे. शुक्रवारी सकाळपर्यंत जगभरातील करोनाबाधितांची संख्या ३ कोटी २४ लाखांहून अधिक झाली. तर, त्यापैकी ९ लाख ८७ हजारजणांचा मृत्यू झाला आहे. युरोपातील काही देशांमध्ये करोनाची दुसरी लाट आल्याची स्थिती आहे. तर, कॅनडाने करोनाची लाट आली असल्याचे जाहीर केले आहे. नागरिकांनी दिलेल्या निर्देशांचे पालन न केल्यास परिस्थिती आणखी चिघळण्याची भीती पंतप्रधान जस्टीन ट्रुडो यांनी व्यक्त केली आहे.
देशाला उद्देशून केलेल्या भाषणात ट्रुडो यांनी म्हटले की, चार मोठ्या राज्यांमध्ये दुसरी लाट येत आहे. करोनाच्या संसर्गाला मात देण्यासाठी सरकार सर्वच पातळीवर प्रयत्न करणार असल्याचे त्यांनी यावेळी सांगितले. मागील आठवड्यात कॅनडात दररोज सरासरी ११०० नवीन करोनाबाधित आढळले आहेत. ऑगस्ट महिन्याच्या मध्यात हीच संख्या ३८० इतकी होती. कॅनडात करोनाबाधितांची संख्या एक लाख ४९ हजार झाली असून ९२४९ जणांचा मृत्यू झाला आहे.
वाचा: करोनाचा विषाणू कसा आला? 'या' दिवशी WHOकडे येणार चौकशी अहवाल
वाचा: काळजी घ्या; करोना आणखी धोकादायक! मास्कचा वापरही व्यर्थ?
तर, मागील काही दिवसांपासून ब्रिटनमध्येही करोनाबाधितांची संख्या वाढत आहे. ब्रिटनमध्ये करोनाबाधितांची वाढती संख्या लक्षात घेता नवीन निर्बंध लागू करण्यात आले आहेत. या निर्बंधांचे, नियमांचे पालन न झाल्यास नाईलाजाने सरकारला दुसऱ्यांदा लॉकडाउन जाहीर करावा लागेल असा इशारा पंतप्रधान बोरीस जॉन्सन यांनी दिला. जुलै महिन्यात ब्रिटनने निर्बंध शिथिल करण्यास सुरुवात केली होती. त्यानंतर आता मागील काही दिवसांपासून करोनाबाधितांची संख्या वाढण्यास सुरुवात झाली आहे. गुरुवारी ब्रिटनमध्ये एकाच दिवशी ६६३४ नवीन करोनाबाधित आढळले आहेत. करोनाच्या संसर्गामुळे ४१ हजारजणांचा मृत्यू झाला आहे. करोनावर नियंत्रण न आल्यास ब्रिटनमध्ये दररोज ५० हजार करोनाबाधित रुग्ण आढळण्याचा धोका असल्याचा इशारा तज्ञांनी दिला आहे.
वाचा: करोनावर नाकावाटे देणार लस; भारतात 'सिरम' करणार उत्पादन
वाचा: काय, घेणार का करोना चॅलेंज? शरीरात सोडला जाणार करोना विषाणू
इस्रायलमध्येही मागील काही दिवसांपासून करोनाबाधितांची संख्या वाढत आहे. गुरुवारी ७४२५ नवीन करोनाबाधित आढळले आहेत. इस्रायलमध्ये करोनाबाधितांची संख्या दोन लाख १२ हजार झाली आहे. करोनाबाधितांची वाढती संख्या लक्षात घेता काही दिवसांपूर्वी लॉकडाउन सुरू करण्यात आला होता. आता लॉकडाउन सक्ती अधिक कठोर करण्यात आली आहे. इस्रायलमध्ये २० पेक्षा अधिक लोक एकत्र येण्यास मनाई करण्यात आली आहे.
देशाला उद्देशून केलेल्या भाषणात ट्रुडो यांनी म्हटले की, चार मोठ्या राज्यांमध्ये दुसरी लाट येत आहे. करोनाच्या संसर्गाला मात देण्यासाठी सरकार सर्वच पातळीवर प्रयत्न करणार असल्याचे त्यांनी यावेळी सांगितले. मागील आठवड्यात कॅनडात दररोज सरासरी ११०० नवीन करोनाबाधित आढळले आहेत. ऑगस्ट महिन्याच्या मध्यात हीच संख्या ३८० इतकी होती. कॅनडात करोनाबाधितांची संख्या एक लाख ४९ हजार झाली असून ९२४९ जणांचा मृत्यू झाला आहे.
वाचा: करोनाचा विषाणू कसा आला? 'या' दिवशी WHOकडे येणार चौकशी अहवाल
वाचा: काळजी घ्या; करोना आणखी धोकादायक! मास्कचा वापरही व्यर्थ?
तर, मागील काही दिवसांपासून ब्रिटनमध्येही करोनाबाधितांची संख्या वाढत आहे. ब्रिटनमध्ये करोनाबाधितांची वाढती संख्या लक्षात घेता नवीन निर्बंध लागू करण्यात आले आहेत. या निर्बंधांचे, नियमांचे पालन न झाल्यास नाईलाजाने सरकारला दुसऱ्यांदा लॉकडाउन जाहीर करावा लागेल असा इशारा पंतप्रधान बोरीस जॉन्सन यांनी दिला. जुलै महिन्यात ब्रिटनने निर्बंध शिथिल करण्यास सुरुवात केली होती. त्यानंतर आता मागील काही दिवसांपासून करोनाबाधितांची संख्या वाढण्यास सुरुवात झाली आहे. गुरुवारी ब्रिटनमध्ये एकाच दिवशी ६६३४ नवीन करोनाबाधित आढळले आहेत. करोनाच्या संसर्गामुळे ४१ हजारजणांचा मृत्यू झाला आहे. करोनावर नियंत्रण न आल्यास ब्रिटनमध्ये दररोज ५० हजार करोनाबाधित रुग्ण आढळण्याचा धोका असल्याचा इशारा तज्ञांनी दिला आहे.
वाचा: करोनावर नाकावाटे देणार लस; भारतात 'सिरम' करणार उत्पादन
वाचा: काय, घेणार का करोना चॅलेंज? शरीरात सोडला जाणार करोना विषाणू
इस्रायलमध्येही मागील काही दिवसांपासून करोनाबाधितांची संख्या वाढत आहे. गुरुवारी ७४२५ नवीन करोनाबाधित आढळले आहेत. इस्रायलमध्ये करोनाबाधितांची संख्या दोन लाख १२ हजार झाली आहे. करोनाबाधितांची वाढती संख्या लक्षात घेता काही दिवसांपूर्वी लॉकडाउन सुरू करण्यात आला होता. आता लॉकडाउन सक्ती अधिक कठोर करण्यात आली आहे. इस्रायलमध्ये २० पेक्षा अधिक लोक एकत्र येण्यास मनाई करण्यात आली आहे.