अ‍ॅपशहर

Coronavirus काळजी घ्या...आणखी एक करोना संसर्ग फैलावण्याची भीती!

Swine Coronavirus Threat: संपूर्ण जग अद्याप करोना विषाणूच्या थैमानापासून मुक्त झाले नसताना आता आणखी एक नवीन करोना विषाणू फैलावण्याचा धोका निर्माण झाला आहे.

महाराष्ट्र टाइम्स.कॉम 16 Oct 2020, 4:56 pm
वॉशिंग्टन: संपूर्ण जगभरात करोनाच्या संसर्गाने थैमान घातले आहे. मागील १० महिन्यांपासून संपूर्ण जग हतबल झाले आहे. त्यातच आता ब्रिटन, फ्रान्स सारख्या युरोपीयन देशांमध्ये करोनाची दुसरी लाट आली आहे. करोनाच्या एकाच स्ट्रेनपासून जगाची सुटका होत नसताना आता आणखी एका करोनाचा संसर्ग फैलावण्याचा धोका निर्माण झाला आहे. डुक्करांमध्ये फैलावणाऱ्या करोना विषाणू फैलावण्याची भीती शास्त्रज्ञांनी व्यक्त केली आहे. या करोनाची बाधा डुक्करांपासून माणसांनाही होत असल्यामुळे अधिक धोका निर्माण झाला आहे.
महाराष्ट्र टाइम्स.कॉम swine-coronavirus
आणखी एक करोना संसर्ग फैलावण्याची भीती!


संशोधनानुसार, करोना विषाणूच्या या स्ट्रेनला स्वाइन एक्यूट डायरिया सिंड्रोम करोना (एसएडीएस-सीओवी) म्हणून ओळखले जाते. हा करोनाचा विषाणू वटवाघळांमधून आला आणि त्याची माहिती २०१६ मध्ये समोर आली होती. चीनमधील अनेक डुक्करांना याची बाधा झाली होती.

वाचा: करोनाबाधितांवर Remdesivir ने प्रभावी उपचार?; WHO ने केला खुलासा

या संशोधनात अमेरिकेतील चॅपल येथील नॉर्थ कॅरिलोना विद्यापीठाच्या संशोधकांनी या संशोधनात सहभाग घेतला होता. या संशोधनानुसार, हा विषाणू मानवाचे फुफ्फुस आणि आतड्यांच्या पेशीत वाढू शकतो. हा विषाणू बिटाकरोना विषाणू एसएआरएस-सीओवी-२ चा भाग आहे. यामुळे मानवाला श्वसन संबंधी आजार कोविड-१९ची बाधा होऊ शकते. एसएडीएस-सीओवी हा एक अल्फाकरोना विषाणू आहे. जो डुक्करांच्या पोटात आणि आतड्यांमध्ये आजाराचे कारण ठरतो. शास्त्रज्ञांनी सांगितले की, या विषाणूमुळे जुलाब आणि उल्टी होते.
वाचा: काय सांगता...अविवाहित पुरुषांना करोनामुळे मृत्यूचा धोका अधिक!

वाचा: करोना लस: निरोगी युवकांना 'इतके' महिने करावी लागणार प्रतिक्षा: WHO

पीएनएएस जर्नलमध्ये प्रकाशित करण्यात आलेल्या संशोधनानुसाार, शास्त्रज्ञांनी एसएडीएस-सीओवीच्या संभाव्य धोक्याचे आकलन करण्यासाठी प्रयोगशाळेत परीक्षण केले होते. त्यानंतर हा विषाणू मनुष्याचे यकृत आणि आतड्यांच्या पेशींमध्ये वेगाने वाढू शकतो. डुक्करांचे मांस खाणाऱ्या देशांमध्ये हा संसर्ग फैलावण्याचा धोका असल्याचे बोलले जात आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज