पुढील दोन आठवडे धोक्याचे! जागतिक आरोग्य संघटनेने दिला 'हा' इशारा

जिनिव्हा: करोनाचा थैमान सुरू असून दक्षिण अमेरिका, आशियाई देशांमध्ये करोनाबाधितांची संख्या वाढत आहे. मागील दोन आठवड्यांपासून दररोज एक लाख करोनाबाधित आढळत असून आगामी १५ दिवसांतही दररोज एक लाख रुग्ण आढळणार असल्याचा इशारा जागतिक आरोग्य संघटनेने दिला आहे. चीनमध्ये नवीन करोनाबाधित रुग्ण आढळणे ही गंभीर बाब असल्याचेही जागतिक आरोग्य संघटनेने म्हटले आहे.

जागतिक आरोग्य संघटनेचे अध्यक्ष टेडरॉस एडहॉम यांनी सांगितले की, ५० दिवसानंतर चीनमधील परिस्थिती चिंताग्रस्त झाली आहे. बीजिंगमध्ये आढळणारी प्रकरणे धोकादायक ठरण्याची शक्यता असून तातडीने त्यावर नियंत्रण ठेवायला हवे असेही त्यांनी म्हटले. जागतिक आरोग्य संघटनेचे आपात्कालीन प्रमुख मायकल रेयान यांनी सांगितले की, बीजिंगमध्ये नवीन करोनाबाधित आढळल्यानंतर चीन सरकारच्या संपर्कात आहोत. चीनला मदतीची आवश्यकता भासल्यास जागतिक आरोग्य संघटनेचे एक पथक पाठवण्यात येणार आहे.

करोनामुक्त झालेल्या न्यूझीलंडमध्ये दोन बाधित आढळले

टेडरॉस यांनी सांगितले की, जगभरात करोनाचे नवीन रुग्णांपैकी ८० टक्के बाधित हे फक्त १० देशांतील आहेत. यामध्ये सर्वाधिक करोनाबाधित ब्राझील, अमेरिका, भारत, रशिया, पेरू, चिली, पाकिस्तान आणि सौदी अरेबियातील आहेत. दक्षिण आशियात सातत्याने करोनाबाधितांची संख्या वाढत असून ही धोकादायक बाब असल्याचे त्यांनी म्हटले.


वाचा: खरंच की काय...सर्दीमुळे तुम्ही राहू शकता करोनापासून सुरक्षित?

आफ्रिकेत महासाथी लाट येण्याचा इशारा

जागतिक आरोग्य संघटनेने आफ्रिका खंडात करोनाची साथ वेगाने येणार असल्याचा इशारा दिला आहे. आफ्रिका खंडात करोनाबाधितांची संख्या एक लाख होण्यासाठी ९८ दिवसांचा कालावधी लागला. त्यानंतर आणखी एक लाख बाधितांची संख्या ओलांडण्यास फक्त १८ दिवसांचा कालावधी लागला आहे. आफ्रिकेतील ५४ देशांमध्ये सामुहिक संसर्गाला सुरुवात झाली असल्याचे जागतिक आरोग्य संघटनेचे आफ्रिका प्रमुख माशिदिसो मोइती यांनी सांगितले.

आणखी वाचा:
करोनाबाधितावर दोन महिने उपचार; रुग्णालयाकडून ८ कोटींचे बिल
करोनाने चीनची झोप उडवली! बीजिंगमधील आणखी १० ठिकाणी लॉकडाउन
करोनाच्या अटकावासाठी 'या' औषधांचा वापर? संशोधन सुरू